Vama ndum mbeina 22:14 - Bible azumeina

¹⁴ Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Vama ndum mbeina 22:14 Referans Kwoze

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

1 Jean 5:3

O d’a lat yam Alonid’a ba wana: Ei gei yei kä ad’u vun ma he mama. Vun ma he mama nga ni vama anek ki,

Vama ndum mbeina 22:7

Jesus mi dala: Agi humugiya! An nga ni mba ka tchetchem. Suma a ge yazi kä ad’u zla d’a djok vun Alona d’a a nga djogot tei kur mbaktum ndatid’ina, a le furîd’a.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Vama ndum mbeina 21:12

Ti nga nguid’a ki gulumun ma ngol ma fiya’â, vunam dogo yam mbà; malaikana dogo yam mbà a nga ngomom vunamu. Mi nga b’ira avunamu, simina handjaf Israel ma dogo yam mbàna mi nga kua,

1 Korente-na 9:5

An nga kad’enga á ve kretiyêd’a d’igi suma a sunuzi suma dingâ ki Salad’a b’oziyoma ki Pierre a nga le na mi d’uo zu?

1 Korente-na 8:9

Agi suma mbud’ugi gro vutina, agi gologi tagi djiviya. Ar agi mbud’ugi vama puk suma amangeîd’a kur he gagazid’a d’i.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 4:12

Abui ngolo Jakob ma hami golong ndatina, mam tamba ki groma ki d’uwar mama a tchad’u. Na ni ang ngola kalam zu?

Daniel 12:12

Suma a ve tazi ad’enga kur djupa gak burâ 1335-hlâ, a mba le furîd’a.

Ad’u Tinda 2:9

Ma didina Alona mi deî andjaf agu ma lara ge pet ata yi máma; djivid’a á gola, djivid’a á ted’a mi. Mi deî agu ma he arid’a aduk asinena, kagu ma tak á we djivid’a ki tchod’ina mi.

Ad’u Tinda 3:22

Ma didina Alona mi dala: Gola! Sana mi mbut ni d’igi ei na á we djivid’a ki tchod’a; ki tchetchemba, ei aram mi mat abom á ndot vud’agu ma he arid’a tala mi tum te ba, mi ar bei matna d’a d’i.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Sawal la giled’a 118:20

Wana ni vun agre’â hi Ma didinina; natam mam ba, suma d’ingêrâ a kal kua.