Vama ndum mbeina 22:12 - Bible azumeina

¹² Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Vama ndum mbeina 22:12 Referans Kwoze

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Isai 62:11

Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Isai 40:10

Gola! Salad’a Ma didina nga mi djï kad’enga. Mi nga kad’enga á te yamba, nga mi djï ki wurak mamba; wurak ka yam sun mambid’a nga abom mi.

1 Korente-na 3:14

Le sunda hi sama mi min yam ad’u ge ndatina ti ngal nga woi d’uo ni, sa máma mba mi fe wuraka.

1 Korente-na 3:8

Sama ped’a ki ma vo mbina, azi ni tu. Nge nge pî, Alona mba mi wuragam yam sun mam mba mi lata.

Vama ndum mbeina 22:7

Jesus mi dala: Agi humugiya! An nga ni mba ka tchetchem. Suma a ge yazi kä ad’u zla d’a djok vun Alona d’a a nga djogot tei kur mbaktum ndatid’ina, a le furîd’a.

Romê-na 14:12

Ni hina ba, nge nge pî adigei mba mi mba ki zla mamba avok Alona.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Vama ndum mbeina 22:20

Sama de woi yam ahle ndazina petna, mi dala: Â, an nga ni mba ka tchetchem. Amin! Ang mbeya, Salamina Jesus!

Sofoni 1:14

Bur ma ayîna hi Ma didinina mi ar wa go, nga mi djï atogo zak. Agi mba humugi siwel la kur bur mámid’a, grang ma durâ pî mba mi tchi tchi ma hat hurâ mi.

Wana ni mbaktumba hi Job-pa 34:11

Mba mi wurak nge nge pî yam sun mam mba mi lata, mba mi he mi nge nge pî yam vama mi luma mi.

Sawal la giled’a 28:4

Ang wuragazi yam sun mazid’a, yam murud’um mba azi lata, ang wuragazi yam sun nda a lat kabozid’a, ang wuragazi ndak yam sun nda azi tazi lata.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 3:11

An nga mba atogo zak, ang ngom vama ang nga ki na, ar sa mi prut wurak manga d’i.