Vama ndum mbeina 20:11 - Bible azumeina

¹¹ An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 20:11 Referans Kwoze

Vama ndum mbeina 21:1

An we akulo d’a awilid’a kandaga d’a awilid’a, kayam akulo d’a adjeud’a kandaga d’a adjeud’a a kal wa woyo, alum ma ngolâ mi nga d’uo d’a.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Daniel 2:35

Ata yi máma kawei ma wurana, lubu ma ab’lorina, kawei ma hleuna, kawei ma hapma ki lora zla tazi pet a mbut d’igi guguma na mi, simetna mi felezi woi d’igi suma a sir awuna kur ambid’a’â awali na, simetna mi i ki sed’ezi bei wazi yazi ma a i kuana ba. Wani ahina d’a ti nde yam vama a tchet mámid’a, ti mbut ahina d’a fiyak ka ked’iwurenga, ti oî yam andagad’a pet.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Vama ndum mbeina 16:20

Tila pet ti blas seyo, sa nga mi wahinad’a d’uo d’a.

Vama ndum mbeina 6:14

Akulod’a a d’ud’ut tei d’igi a d’ut haragad’a na, ahinad’a ki til la lara ge pet a pad’azi woi ata yaziya.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.

Vama ndum mbeina 12:8

Wani dragona ki sum mama a kus nga d’i, yima kaka nga kazi akulo d’uo mi.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Sawal la giled’a 89:14

Ni bigang ang ba, tad’enga kal pet, nabong ang ba, mi sib’ika kal pet, abong ma ndjufâ, mi nga zid’a akulo mi.

Sawal la giled’a 47:8

Kayam Alona namul ma ngol ma te yam andagad’a petna, agi gilegizi ki sawala.

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.

Wana ni mbaktumba hi Job-pa 9:6

Andagad’a nga d’i yir abomu, ad’ut ta ged’a nga d’i giget mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Sawal la giled’a 102:26

Ni ang ba, läd’u andagad’a avok dedei; akulod’a ni sun nda ang lat kabonga.

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Matiye 11:22

Wani an nga ni dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam azì ma ngol ma Tir-râ ki d’a yam azì ma ngol ma Sidon-nid’a.

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.