Vama ndum mbeina 2:3 - Bible azumeina

³ Ang nga ve tang ad’enga, ang nga fe ndaka kanu, wani ang tang tchuk nga lus si.

Vama ndum mbeina 2:3 Referans Kwoze

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Jean 15:21

Wani a mba lagi ahle ndazina pet kayam anu, kayam azi we nga mam ma sununïna d’i.

1 Korente-na 13:7

Mi nga mi so tam yam ahlena pet, nga mi he gagazid’a yam ahlena pet, nga mi tin hurum yam ahlena pet, nga mi ve tam yam ahlena pet mi.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Hebre-na 6:15

Kayam ndata, Abraham mi ve tam ad’enga gak mi fe vama Alona mi hlum vunam kama.

Hebre-na 6:12

Kayam ndata, ami minimi ala agi lagi azulomba d’i, wani agi lagi d’igi suma a he gagazid’a suma a ve tazi á ve vama Alona mi hle vunam kama na.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

2 Tasaloni’â 3:13

Wani agi b’oziyomina, ar tagi tchuk lus yam sun nda djivi d’a led’a d’i.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

Wana ni Zla d’a Djivi d’a Luc mi b’irita 14:27

Nge nge pî le mi hle nga agu mam ma b’ala mi tit nga ki ad’un nduo ni, mi ndak nga man ma hata d’i.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

2 Pierre 1:6

agi d’elegi tagi yam d’od’ok ka tchod’a, agi vagi tagi á tit balum asem Alona bei tad’a tchuk lus ba,

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 5:9

Kayam ndata, le ami nga kur hliu tad’a, d’oze ami walami ki hliu tad’a pî, ami minimi á lum tam djivid’a yam ahlena pet.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

2 Tasaloni’â 3:8

Ami tami nga avu hi sa hawa d’i, wani kur ndaka ami lami sunda andjege ki faleya, kayam ami mbud’umi vama anek yam sa adigagi d’i.

2 Tasaloni’â 3:5

Ar Salad’a mi minigi hurugi á le od’a yam Alona ki ve ta d’a Christ mi heizid’a.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

2 Korente-na 10:15

Ami nga suburumi tami yam sunda hi suma dingâ d’a nga kur haga mamid’a d’uo d’a d’i. Wani ami min ala he gagazi magid’a ti wul akulo. Hina wani, sun mamid’a mba d’i i avogovok ngola adigagiya, wani ni yam nga d’a Alona mi ngamizid’a teteu.

2 Korente-na 6:5

A nga tomiya, a nga tchugumi dangeina, a nga siwel kamiya. Ami nga kur sun nda kaud’a, ami nga burumi sen ndi, ami nga fami tena d’uo mi.

Romê-na 16:12

Agi gagi Trifen ki Trifos arop suma a nga le sunda hi Salad’id’ina depa. Agi gagi banan nda an le kat heîd’a Persit ta le sunda ngola yam Salad’id’a depa mi.

Wana ni Zla d’a Djivi d’a Luc mi b’irita 21:19

Yam ve ta magid’a agi mba sud’ugi tagiya.

Marik 15:21

Sama Siren-na simiyêm ala Simon, ni Alezandre azi ki Rufus abuziya, mi tcholï nabageya, nga mi kala. Azigarâ a vum kad’enga ala mi hlagu ma b’ala hi Jesus-na kamu.

Mise 7:9

Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.

Sawal la giled’a 69:7

Salad’a, Ma didin ma ad’engêng kal petna, ar suma a tin huruzi kangâ a mbut zulona kan ndi; Alona hi Israel-lîna, ar suma a nga halangâ a mang ngei kayam an nduo mi.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

1 Korente-na 16:16

Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.

Wana ni Zla d’a Djivi d’a Luc mi b’irita 5:5

Simon mi hulong dum ala: Salamina, ami tchiwimi andjege dei bei fami va ba, wani yam de manga, an nga ni tchuk abeina kä.