Vama ndum mbeina 18:20 - Bible azumeina

²⁰ Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 18:20 Referans Kwoze

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Jude 1:17

Wani buniyôna, agi djib’eregi yam zla d’a suma a sunuzina hi Saleina Jesus Christ-sâ a dat adjeu deid’a.

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Zla d’a d’ogolâ 11:10

Ata yima suma d’ingêrâ a nga ki furîd’ina, suma hur azì ma ngolîna a le furîd’a mi; ata yima suma asa’atna a bona, suma hur azina a nga aî mi.

Sawal la giled’a 94:1

Ma didina, angî Alo ma hlatchugula, angî Alo ma hlatchugula, ar ang tak subur manga woyo.

Sawal la giled’a 58:10

Avok ka azi bei wala ang mba gad’aziya d’a, ang fozi woi d’igi sana mi fo butna woi na.

Efes-sâ 3:5

Kur atchogoi d’a kala, Alona mi simat nga zla d’a muduri ndata woi mi suma d’i, wani ki tchetchemba, yam ad’enga hi Muzuk mamid’a, mi ndat ad’ut tei mi mam suma a sunuzi suma mi tinizi irazi vazina ki mam suma djok vuna mi.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Sawal la giled’a 109:28

Azi nga yahlena kanu, wani ang nga b’e vuna kanu; a mba tchol ki zlad’a, wani a mba mbut zulona; an azong mangâ mba ni le furîd’a.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Sawal la giled’a 48:11

Alo mamina, subur manga ti b’rau woi avun dabid’a handagad’id’a d’igi simiyêng mi nde ata yina na; ang nga tamula ki d’ingêra.

Sawal la giled’a 18:47

Ma didina, angî ma nga na; an nga ni gileng ang ahina manda, an nga ni suburung ang Alo man ma suta.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Gat ta a hat á mbàd’id’a 32:42

Yeû manda mba d’i tchor buzuna, mbigeu man nda fiyaka mba d’i b’lak hliwa suma woyo. Suma nglo suma avok suma dur ayînina, sa mba mi sut tu d’i. Suma a duruzi mbuleinina d’oze suma a yozi magombina, an mba ni tchazi woi pet.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.