Vama ndum mbeina 14:13 - Bible azumeina

¹³ An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 14:13 Referans Kwoze

Vama ndum mbeina 20:6

Suma tchol akulo avok kikidjina a mba le furîd’a ki hur ma hapma, kayam mat ma mbàna mi nga kad’enga kazi d’i. Azi mba mbut ni nglo suma ngat buzuna mAlona azi ki Christ, azi mba te leud’a ki sed’em gak bizad’a dubu.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 6:11

A he nge nge pî adigazi baru d’a fiyak ka hapa, a dazi ala a tuk tazi ndjö gak ablaud’a hi b’oziyozinid’a ki d’a hi ndrozi suma sun suma a mba tchazi woi d’igi azi na na ndak tua.

2 Korente-na 5:8

Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

Vama ndum mbeina 16:17

Malaika ma kid’iziyana, mi vo mama akulo aduk simetna. An hum del la ngola ti ndeï kur gong nga kud’ora hAlonid’a, ata yima zlam mba amula nga kuana ala: Ndak wa da’.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Sawal la giled’a 19:11

Djivi mamba kal lora, kal lor ra a yorot kakud’id’a woi dei; adjib’et mamba ti kal mbul ayuma, ti kal mbul ayum ma nga mi djang kä ir sëma.

Sawal la giled’a 85:13

Ma didina mba mi lei djivid’a, andaga meid’a mba d’i wul ahlena mi.

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

Romê-na 14:8

le ei boya, ei boi ni yam Salad’a; le ei kagei karid’a d’oze le ei boya ni, ei ni suma hi Salad’ina mi.

Wana ni Zla d’a Djivi d’a Luc mi b’irita 16:9

An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 10:4

Ata yima an hum breî d’a kid’iziyad’a halonid’ina, an min ala ni b’ir ahle ndazina. Wani an hum del la tcholï akulod’a ti dan ala: Ang ve breî d’a kid’iziya ndata kurungû, ang b’irit ti.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Daniel 12:13

Wani ang Daniel, ang i d’o gak bur mang ma dabid’a. Ang mba mid’a, wani ang mba tchol akulo á ve wurak manga kur atchogoi d’a dabid’a.

1 Korente-na 15:20

Wani ki tchetchemba, Alona mi tchol wa Christ akulo aduk suma matna. Mam mi Ma tchol akulo avok aduk suma a bona.

1 Timote 5:24

Tchod’a hi suma dingîd’a ti nga ni woi pid’ak avok bei kazi sariyad’a kaziya. Wani tchod’a hi suma dingîd’a ti nga d’i tit blogoziya.

1 Timote 5:25

Hina mi, sun nda djivid’a ti nga ni woi abu pid’agï, wani ta nga woi pid’ak kuo d’a pî ti nga ni ngeid’a d’uo mi.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.