Vama ndum mbeina 14:11 - Bible azumeina

¹¹ Andosâ haku d’a nga d’i lazi ndakid’a, nga mi d’us gak didin. Suma a kud’or ambur máma ki vama a yoromzina ki sama lara ge ma a b’irim simiyêm atama, andjege ki faleya tuk ta mazid’a nga d’i.

Vama ndum mbeina 14:11 Referans Kwoze

Vama ndum mbeina 19:3

A de kua ala: Ei gileigi Alona! Kayam andosâ haku d’a nga d’i ngalata, nga mi d’us gak didin.

Isai 34:10

Andjege ki faleya ti nga d’i mit tei d’i, andozot mba mi d’uzî hina gak didin. Atchogoid’a katchogoid’a mba d’i mbut ni hur fulâ, sa mba mi kal kua d’uo mi.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Vama ndum mbeina 18:18

ata yima azi we andosâ kaku d’a nga d’i ngalambina, a er tchina ki delezi akulo ala: Azì ma ngol ma d’igi azì máma na na, mi nga ni lara ge?

Vama ndum mbeina 14:9

Malaika ma hindina mi mba blogoziya, mi de ki delem akulo ala: Sama kud’or ambur máma ki vama yoromzina, mi b’ir vama simata avorom mboze bigama,

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Ad’u Tinda 19:28

mi gol iram abo ma Sodom ki ma Gomor-râ ki ful mata pet, mi we andosâ nga mi d’us yam andagad’a d’igi andosâ halamba ngolina na.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 7:12

a dala: Amin! Giled’a ki subura ki ned’a ki wed’a ki hud’a ki sib’ika kad’enga ni hAlo meinid’a gak didin. Amin!

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Sawal la giled’a 10:16

Ma didina, angî amulâ burâ ki burâ gak didin; andjaf suma a mba dap pei yam andaga manga.

Buzuk ka Abud’a 15:18

Ma didina, ang mba tamula bei dabid’a gak didin!

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 13:12

Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Joel 2:30

An mba ni lahle suma atchapma kur akulod’a, kä yam andagad’a mi, nala, buzuna, akud’a kandos ma tchola gozongâ.

Isai 57:20

Wani suma asa’atna a ni d’igi alum ma ngol ma mi tcha tata ma mbiyo mama nga mi tchol b’et tuo ma nga mi labilâ mi tchuk sä zozot ta lara ge woi petna na.

Gat ta a hat á mbàd’id’a 28:65

Aduk andjaf sum ndazina agi mba kagagi tchugot ti, agi mba fagi yima kak ma djivina d’i. Ma didina mba mi pad’agi vunadigagi fek; agi mba mbud’ugi hohoud’a, agi mba kagagi ni ki yor tad’a mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Daniel 3:6

Sama lara ma mi grif nga kä á kud’or filei ma yor ma lor máma d’uo na, a mba gum atogo hina zak aduk für ra aku d’a hîhîka.

Vama ndum mbeina 13:15

Ambur ma mbà máma mi fad’enga á he muzuk ka arid’a mi vama a yorom ma ambur ma avok mámina, kayam va máma mi de zlad’a, mi ndak á tchi suma a min kud’urom mbuo na.

Vama ndum mbeina 13:17

Sama lara pî ma nga ki simiyê ambur máma d’oze nomro mamba d’uo na, mi ndak á guzî va d’oze mi ndak á guzï va woi d’uo mi.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.