Vama ndum mbeina 13:16 - Bible azumeina

¹⁶ Ambur máma, mi le suma kad’enga pet, nala, gugureina ki suma nglona ki suma ndjondjoîna ki suma houd’a ki magumeina ki gro vuta á b’ir vama simata yam bigazi d’a ndjufa d’oze avoroziya.

Vama ndum mbeina 13:16 Referans Kwoze

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 7:3

Agi b’lagagi andagad’a d’oze alum ma ngolâ d’oze aguna d’i, gak ei kei geuna avok magumeina hAlo meinina tua.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Vama ndum mbeina 19:18

á te hliu amuleina ki ma hi nglod’a hi azigarîd’a ki ma hi azigarîna ki ma hakulumeinina ki ma hi suma a nga kazina ki ma hi sumina ki ma hi magumeinina ki ma hi gro vutina ki ma hi suma nglonina ki ma hi gugureinina mi.

Gat ta a hat á mbàd’id’a 6:8

Ang djinim del abongû, ang djinim avorong mi.

Gat ta a hat á mbàd’id’a 11:18

Zla d’a an nga ni dagizi wanda, agi humugiziya, agi vagizi kurugi mi. Agi djinigizi del abogi d’igi vama taka na, agi djinigizi avorogi d’igi vama taka na mi.

Buzuk ka Abud’a 13:9

Bur máma mba mi mbut ni vama ge humba d’igi vama taka na djinda del abogiya, ni d’igi vama djib’era na djinda avorogi mi, kayam agi aragi gata hi Ma didinid’a ti wal lei ki vunagi d’i. Kayam ni Ma didina kad’eng mamba ba, mi buzugugï woi kur ambas sa Ezipte-d’a.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Vama ndum mbeina 6:15

Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Sawal la giled’a 115:13

mba mi b’e vunam yam suma a ringîm mandaram suma gureina ki suma nglona mi.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Vama ndum mbeina 15:2

An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

Efes-sâ 6:8

Agi wagiya, sama lara pî, magoma d’oze gor vuta, Salad’a mba mi wuragam yam sun mam mba djivid’a mi lata.

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

1 Korente-na 12:13

Kayam Muzuk ma tu máma ba, mi lei batemba á mbud’i hliu ma tuna, le ni Juif-fâ d’oze andjaf suma dingâ, d’oze magumeina d’oze gro vuta, ei pet tchei ni kur Muzuk ma tu máma mi.

Sawal la giled’a 49:2

Agi suma pet, ar agi humugiya! Agi suma nga kaka yam andagad’ina, agi suma bei subura ki agi suma subura, agi suma ndjondjoîna ki agi suma houd’a mi, ar agi tinigi humagiya!

2 Sunda Hamuleinid’a 15:13

Sama lara ma mi ge nga yam kä ad’u minda hAlona hi Israel-lîd’a d’uo na, le ni gogorâ, d’oze sama ngolâ, d’oze mandjufâ, d’oze atchad’a, a tchum mbeyo.

2 Timote 3:8

Azi ni d’igi Janes azi ki Jambres suma a tchol djangûna ki Moise adjeuna na; sum ndazina a nga tchol djangûna ki gagazid’a mi. Ni suma djib’er mazid’a b’lak keina, he gagazi mazid’a ndak nga d’i.

Zakari 13:6

Wani a mba dum ala: Ni mbil ma me abong hî ge? Mam mba mi dazi ala: Ni mbil ma an fumî avo hi buniyônina.