Vama ndum mbeina 12:5 - Bible azumeina

⁵ Atcha ndata, ti vut gor mandjufâ, ni ma mba mi pol andjaf suma pet ki totogod’a kawei ma wurana. Wani gorot máma, a hlum sä akulo gen Alona ata zlam mam mba amula.

Vama ndum mbeina 12:5 Referans Kwoze

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Vama ndum mbeina 12:2

Ti nga ki wirâ, ti nde vuta, ti nga d’i tchi abo ndaka hi vutid’a.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Vama ndum mbeina 11:12

Suma djok vun Alo suma mbà ndazina a hum del la tcholï akulod’a ti dazi ala: Agi djagagï ka hî. Azi djak akulo kur d’ugula; mazi suma djangûna a nga goloziya.

Matiye 1:25

Wani mi zlap nga ki sed’et ti, gak ti vut gorotna. Mi tinim simiyêm ala Jesus.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

2 Korente-na 12:2

An we sana hi Christ-sâ tu ma a hlum sä kur akulo d’a hindid’ina, ini ni bizad’a dogo yam fid’i. Le mi ni kur hliu tad’a, an we d’i; le ni bei hliu tad’a ni, an we d’i, wani nAlona ba, mi we.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Isai 66:7

Avok bei hurut tat á vutid’a, ti vut wa! Avok bei ndak ka vuta ti lata, ti vut gor mandjufâ!

2 Korente-na 12:4

Ata yi máma, mi hum zla d’a de d’a sana ndak á dat tuo d’a, kayam mi ar nga lovota mi sana á de zlad’a d’i.

Vama ndum mbeina 12:13

Ata yima dragona mi wala a gumï kä woi yam andagad’a da na, mi nde mi ring ad’u atcha d’a vut gor mandjufîd’a.