Vama ndum mbeina 11:8 - Bible azumeina

⁸ Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Vama ndum mbeina 11:8 Referans Kwoze

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.

Hebre-na 13:12

Kayam ndata, Jesus mi fe ndaka woi bugol azina á mbus suma woi yed’et ki buzuwamu.

Vama ndum mbeina 18:18

ata yima azi we andosâ kaku d’a nga d’i ngalambina, a er tchina ki delezi akulo ala: Azì ma ngol ma d’igi azì máma na na, mi nga ni lara ge?

Vama ndum mbeina 11:9

Suma pet kad’u andjafâ ki vun ma ded’a kandjaf suma pet a mba golozi mad’azi kä gak burâ hindi ki nusa, a mba arazi mad’azi á tosa d’i.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Ezekiyel 23:27

An mba ni d’elek sun mak ka le d’a batranga ki gaulang mak ma ndak tcholï ki sed’em Ezipte deina, ndak mba d’i mbut irak irazi d’i, ndak mba d’i djib’er yam Ezipte d’uo d’a.

Ezekiyel 23:19

Wani ti nga d’i i avogovok ki gaulang matna, nga d’i djib’er yam bur ma ndat nga ki gogorot kid’a ndat nga d’i le gaulangâ avo Ezipte-d’a.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.

Vama ndum mbeina 16:19

Azì ma ngolâ mi wal lei aduk hindi, azì ma nglona handjaf suma yam andagad’ina pet mi dris kä mi. Alona humam gum yam Babilon nda ngola, mi hat süm mama kur angala, ni süma hayî mam ma bibiliuna.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Hebre-na 6:6

le a puk kur tchod’a ni, sama ndak á hulongôzï á mbut huruzi mbut ta dinga yam tcho mazid’ina nga d’i. Kayam ni azi tazid’a ba, a b’al Alona Goroma akulo kua ata agu ma b’ala yazi á mbàd’a, a mbud’um zulona woi ir suma mi.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Jeremi 26:23

A veï Uriya Ezipte, a mbam mamulâ. Amulâ mi tchumu, mi gum mad’am kur zula hi suma hawanid’a.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Vama ndum mbeina 14:20

A miret guguzlu ndata woi bugol azina. Buzuna ndeï djangâ woi ata yima a miret guguzlud’a kua na, mi djang i kilometred’a kikis hindi, yiyik mamba ni d’igi metred’a tu ki nusâ na.

Vama ndum mbeina 17:18

Atcha d’a ang wata, nazì ma ngol ma nga mi te yam amulei suma nglo suma yam andagad’ina.