Vama ndum mbeina 1:18 - Bible azumeina

¹⁸ An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 1:18 Referans Kwoze

Romê-na 6:9

Kayam ei wei ala Christ mi tchol akulo aduk suma matna, mi dok mi mit tuo d’a, matna nga kad’enga kam mbuo d’a.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Sawal la giled’a 68:20

Ar ei suburi Salad’a burâ ki burâ! Ata yima a nga lei ndakina, mi prud’i woi ni mamu. Tchol ndjö

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Isai 22:22

An mba ni hum lakle d’a avun azina hi David-nid’a abomu. Le mi malamu ni, sama duguma nga d’i, le mi dugumu ni, sama malama nga d’uo mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Matiye 16:19

An mba ni hang lakled’a hi leu d’a akulod’id’a abongû. Vama ang djinim ka hî yam andagad’ina, mba mi ka’î djinda sä akulo hina mi; vama lara ma ang bud’um ka hî yam andagad’ina, mba mi ka’î buta sä akulo hina mi.

Vama ndum mbeina 20:14

Matna ki yina hi suma azuleinina a tchuguzi kur apo d’a akud’a, nala, mat ma mbàna.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Hebre-na 7:16

Wani mam mbut ma ngat buzuna ni yam minda hi sumid’a d’i, wani mi mbut ma ngat buzuna ni kad’enga hari d’a bei dabid’a ba d’a.

2 Korente-na 13:4

Wani le a b’alam akulo ata aguna d’igi sama amangeîna na pî, mam nga karid’a yam ad’enga hAlonid’a. Hina mi, ami namangeîd’a zlapa tu ki mamu, wani ami mba kagami karid’a zlapa ki mam yam ad’enga hAlonid’a á ndjunugiya.

Wana ni mbaktumba hi Job-pa 19:25

Wani an we ma ndjun kana, mi nga ki iramu. Kur bur ma dabid’a mam mba mi tchol akulo yam andagad’a.

Vama ndum mbeina 9:1

Malaika ma vahlâ, mi bu adif mamba. An we tchitchiud’a tu ti ndeï kä yam andagad’a. A hat lakled’a hi zul la yiyika abod’u.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Sawal la giled’a 18:46

Andjaf suma dingâ a tchuk susub’ok, azi mba buzuk kei ki mandarâ kur gulumun mazi ma ad’eng ma ngunguna.

Vama ndum mbeina 5:14

Ahle suma ari suma fid’ina a dala: Amin! Suma nglona a grif kä, a kud’urom mi.

1 Samuel 2:6

Ma didina nga mi tchi sana, nga mi mbud’um arid’a, nga mi im azuleyo, nga mi hulongôm akulo mi.

Wana ni mbaktumba hi Job-pa 38:17

Na ni a tagang vun agre’â hi Matnina zu? Ang we vun agre’â hambasa hi Matnid’a zu?

Matiye 11:23

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.

Wana ni Zla d’a Djivi d’a Luc mi b’irita 24:5

Aropma a le mandarâ, a tchok yazi kä. Sum ndazina a dazi ala: Ni kayam me ba, agi halagi sama arina aduk suma matna ge?

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Vama ndum mbeina 15:7

Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.

Vama ndum mbeina 20:13

Alum ma ngolâ nga mi buzuk ki suma bo kuruma. Matna ki yina hi suma azuleinina a buzuk ki suma azi ngomozina mi. A kazi sariyad’a kazi pet, ndak yam ahle suma azi lazina.