Wana ni mbaktum mba Paul mi b’irit mi Tit-ta 3:5 - Bible azumeina

⁵ mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Wana ni mbaktum mba Paul mi b’irit mi Tit-ta 3:5 Referans Kwoze

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

Efes-sâ 4:23

Kal pet, ar agi mbud’ugi ni suma awilina kur muzugagi, kur djib’er magid’a mi.

Romê-na 3:28

Ei wei ala sana mi mbut sama d’ingêrâ avok Alona ni yam he gagazi mamba, wani nga ni yam ge yam mba kä ad’u gatid’a d’i.

Romê-na 9:11

Kid’a grotna a nga bei vuta tua d’a, Alona mi de mi Rebeka ala: Ma ngolâ mba mi ge yam kä ad’u ma gorâ. Mi dat hina navok bei azi le vama djivina d’oze ma tchona tua, kayam nga hurâ hAlona ma yam suma mi manazinina ndak memet. Hina, nga nata sun nda led’a d’i, wani nata Alo ma yazina.

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Wana ni Zla d’a Djivi d’a Luc mi b’irita 1:54

Mi mba á ndjun azong mama Israel, mi mar nga á tak we hohou mamba woi

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 130:7

Agi Israel-lâ, agi tinigi hurugi yam Ma didina, kayam mam mi sama djivina; ni ma sut suma woi kur ndakina.

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Wana ni mbaktum mba Paul mi b’irit mi Tit-ta 3:4

Wani kid’a djivid’a hAlo ma sud’inid’a ki o mam mba yam sumid’a a nde woid’a,

Romê-na 9:30

Na ni ei mba dei nana ge? Gola! Andjaf suma ding suma a hal nga á mbut tazi d’ingêr avok Alona d’uo na, Alona mi mbud’uzi wa suma d’ingêrâ avorom yam he gagazid’a.

Romê-na 9:16

Kayam ndata, nga nata minda hi sa d’i, d’oze sun mam mba led’a d’uo mi, wani nata Alo ma we hohoud’a tu go.

Romê-na 4:5

Wani le sana mi le nga sun nduo ba, wani mi tin hurum yam Alo ma mi mbut suma tchona d’ingêrâ ni, Alona mi ndum tin hur mama ni d’ingêr mi.

Wana ni Zla d’a Djivi d’a Luc mi b’irita 1:72

Mam mba mi tak we hohou mamba woi mabuyoi ngolo, mba mi djib’er yam vun mam ma djin ma bei ka zlad’a ba na mi.

Isai 57:12

An mba ni de woi yam d’ingêr magid’a ki sun magid’a; agi mba fagi va ki sun magid’a d’i.

Hebre-na 6:6

le a puk kur tchod’a ni, sama ndak á hulongôzï á mbut huruzi mbut ta dinga yam tcho mazid’ina nga d’i. Kayam ni azi tazid’a ba, a b’al Alona Goroma akulo kua ata agu ma b’ala yazi á mbàd’a, a mbud’um zulona woi ir suma mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 9:20

Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Gat ta a hat á mbàd’id’a 9:5

Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Romê-na 11:14

An djib’er ala an mba ni zut andjavan akulo á le yungôra á sut suma dingâ adigaziya.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.