Wana ni mbaktum mba Paul mi b’irit mi Tit-ta 1:9 - Bible azumeina

⁹ Ni ma ve tam ad’enga kur hat ta gagazid’a á had’amzid’ina, kayam mi ndak á giget suma dingâ kur hat ta gagazid’a, á ngop suma a nga tchi tuguyod’a ki zlad’a hAlonid’ina mi.

Wana ni mbaktum mba Paul mi b’irit mi Tit-ta 1:9 Referans Kwoze

2 Tasaloni’â 2:15

Kayam ndata, b’oziyomina, ar agi kagagi ngingring kur hat ta ami had’agizid’a ki zla d’a ami dagizid’a ki mbaktum mba ami b’irigizid’a mi.

2 Timote 1:13

Ar ang mbut ni vama taka yam zla d’a gagazi d’a an dangzid’a. Ar ang tchol djivid’a kur he gagazid’a ki o d’a ei nga zlapa tu ki sed’et yam Jesus Christ-sa.

1 Timote 6:3

Le sana nga mi hat hat ta ding nga ndjak nga ki zla d’a gagazid’a hi Saleina Jesus Christ-sa d’uo, le hat mamba ndjak nga ki hat ta yam he gagazi meid’id’a d’uo miyu ni,

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

Vama ndum mbeina 3:3

Ar ang djib’er yam hat ta ang had’ata ki vama ang humuma. Ang ge yang kä ad’u hat ndata, ang mbut hurung yam tcho manga. Le ang kak nga ki ndjola d’uo ni, an mba ni mba kang dumzi d’igi sama kula na, ang mba we yima an mba ni mba kuana d’i.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Wana ni mbaktum mba Paul mi b’irit mi Tit-ta 2:1

Wani ar ang dazi ni vama ndak yam hat ta d’ingêrina.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.

1 Tasaloni’â 5:21

Agi kugugi ahlena pet, agi vagi ahle suma djivina.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Wana ni mbaktumba hi Job-pa 2:3

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!

Vama ndum mbeina 3:11

An nga mba atogo zak, ang ngom vama ang nga ki na, ar sa mi prut wurak manga d’i.

Vama ndum mbeina 2:25

Wani ar agi vagi vama agi nga ki sed’ema ad’enga ngingring gak mba manda.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

1 Timote 4:9

Zla ndata ni zla d’a irata, ti ndak á suma vad’u.

1 Timote 1:19

Ar ang ngom he gagazid’a ki djib’er ra djivi d’a kurung krovod’a. Kayam suma dingâ a ar wa lovot ndata woyo, a hlup wa he gagazi mazid’a kä d’igi alumba ti hlup kä aduk mbina na.

Sunda hi suma a sunuzinid’a 18:28

Kayam mi kal yam Juif-fâ aduk suma, nga mi vazi ad’ud’a woi kur mbaktumba hAlonid’a ala Jesus ni Mesi.

Wana ni mbaktumba hi Job-pa 27:6

An tcholî yam d’ingêr manda, an nga ni ar tan tchuk lus si, hurun nga mi van ki zla yam tu d’uo mi.

1 Korente-na 14:24

Wani le agi pet nga djok vun Alona, le sama bei he gagazid’a d’oze sama hawana mi kal adigagiya ni, zla ndata mba d’i vum yam tcho mamba, kayam vama mam humuma mba mi kam sariyad’a kam mi.

2 Timote 3:14

Wani ang tanga, ang kak ngingring kur ahle suma ang hat kuruzi suma ang wazi tetetna, kayam ang we suma a had’angzina.