Suma ka sariyad’a 7:17 - Bible azumeina

¹⁷ Mi dazi ala: Agi golondi ni anu, agi lagi d’igi an mba ni le hina. Ata yima an mba ni mbaza avun kangîna, agi lagi vama an mba ni luma.

Suma ka sariyad’a 7:17 Referans Kwoze

1 Korente-na 11:1

Agi hlagi balum asen d’igi an hle balum asem Christ-sâ na.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Suma ka sariyad’a 9:48

Ata yi máma Abimelek ki suma a nga zlapa ki sed’ema pet, a djak akulo yam ahina d’a Salmon-nda. Abimelek mi hlandjetna abomu, mi ka abo aguna, mi gum kelemu, mi de mi suma a nga zlapa ki sed’ema ala: Agi wagi vama an luma; agi b’ad’agi tagi á lagi hina mi.

Suma ka sariyad’a 7:16

Zedeyon mi wal suma kikis hindina kä ad’u hindi. Mi hazi aduveina abozi tutu pet, kagolongeî suma va nga kuruzi d’uo na kaku d’a ganda kuruzi mi.

Suma ka sariyad’a 7:18

Ata yima an ki suma ki sed’ena pet ami bumi adifina, agi bugi adifa huyok kangâ pepet, agi dagi ala: Ni yam Ma didina azi ki Zedeyon!