Suma ka sariyad’a 6:2 - Bible azumeina

² Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

Suma ka sariyad’a 6:2 Referans Kwoze

Hebre-na 11:38

Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.

Vama ndum mbeina 6:15

Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

1 Samuel 14:11

Azi djak a i tak tazi mi Filistê-na. Sum ndazina a de tazi ala: Gola! Hebre suma a ngei kä kur zulina a buzugï woi wana!

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Suma ka sariyad’a 6:3

Ata yima Israel-lâ a zum awuna kä na, suma Madiyan-na ki suma Amale’â zlapa ki suma a nga kaka abo ma yorogonina, a mba atazi durâ.

Jeremi 41:9

Golong nga adjeu d’a Ismael mi tchuk mad’a suma mi tchazina kua gen Gedaliya-d’a, ni golong nga amulâ Asa mi kat ata yima mi dur ayîna ki Bäsa amul ma Israel-lîna. Ismael Netaniya goroma mi oyôt tei ki mad’a suma.

Jeremi 48:28

Agi suma nga kaka Mowap-ma, agi aragi azì ma nglona woyo, agi i kagagi aduk ahuniyôna, agi kagagi d’igi gugud’a ti min aziyat apei zul la ahinad’a na.

Suma ka sariyad’a 10:8

A kid’eî ir Israel-lâ, a djobozi vunazi kur biza ndata gak bizad’a dogo yam klavandi zlapa ki Israel suma sä abo alum ma Jurdê-na woi hî yam ambasa hi suma Amor suma a nga kaka Galät-nid’a mi.

Suma ka sariyad’a 10:9

Suma Amon-na a djak alum ma Jurdê-na á dur andjafâ hi Juda-na, andjafâ hi Benjamin-na kandjafâ hi Efraim-ma mi. Ata yi máma Israel-lâ a nga kur hohoud’a ngola.

Wana ni mbaktumba hi Job-pa 30:6

A nga hal yima kaka kur b’irlim ma nduvun ma i’îli’â, kur angrifa, aduk ahinad’a mi.