Suma ka sariyad’a 4:14 - Bible azumeina

¹⁴ Ata yi máma Debora ti de mi Barak ala: Ang tchol iya! Gola! Bur ma inina ni bur ma Ma didina mi hang Sisera abongâ; Ma didina nga mi tit avorongû! Barak mi tchuk asem kä woi yam ahina d’a Tabor-ra ki suma 10.000 blogom mi.

Suma ka sariyad’a 4:14 Referans Kwoze

2 Samuel 5:24

Le ang hum asem ma tita nga mi tchi akulo hum agu murâ ni, ang b’at tang atogo. Ni an Ma didina ba, nga ni tit avorong á dur azigarâ hi Filistê-nina.

Gat ta a hat á mbàd’id’a 9:3

Agi wagi ini ala ni Ma didina Alo magina ba, mba mi tit avorogi d’igi aku d’a ngal yinid’a na; ni mam ba, mba mi b’lagazi woyo; ni mam ba, mba mi hulongôzi yazi kä avorogiya. Agi mba hlagiziya, agi mba dabazi woi atogo zak d’igi mi de na mi.

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

1 Samuel 9:26

Tcha ndjivin yorogo tcholol, Saul azi kazong mama a zlit akulo. Samuel mi yï Saul akulo yam dudura, mi dum ala: Ang mbeya, an nga ni tining glovod’o. Saul azi ki Samuel djak a buzuk a iya.

Suma ka sariyad’a 19:28

Mi dat ala: Ndak tchol akulo ïya! Ti dum nga zla d’i. Ata yi máma ndjuvut mi hlat mi gat yam korona akulo, mi i ki sed’et avo hatamu.

Josue 7:13

Ang tchola akulo, ang mbut suma yed’et, ang dazi ala: Ndjivin agi mbud’ugi tagi yed’et, kayam Ma didina Alona hi Israel-lâ mi dala: Ahle suma an d’el kazi ala agi yozi d’uo na, a nga adigagiya. Le agi yogi nga ahle ndazina woi adigagi d’uo ni, agi ndak á tchologi avok magi suma djangûna d’i.

Ad’u Tinda 44:4

Azi buzuk kei huyok azina, wani a i nga dei d’i. Ata yi máma Josef mi de mazong mam ma ngolâ ala: Ang i ad’u sum ndazina, ang faziya, ang djobozi ala: Ni kayam me ba, agi hulongôgi tchod’a yam djivid’a ge?

Ad’u Tinda 19:14

Lot mi i fakuniyôm suma a nga tit yam gromina, mi dazi ala: Agi tchologi atogo zak! Agi buzugugi woi ata yima wana kayam Ma didina nga mi b’la’î azì máma. Wani akuniyôma a golomî d’igi mam dazi ni zla d’a sanda na.

Suma ka sariyad’a 4:10

Barak mi yi andjafâ hi Zabulon-na kandjafâ hi Neftali-na avo Kedes. Suma 10.000 a i blogomu; Debora ti i ki sed’em mi.

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.