Suma ka sariyad’a 3:21 - Bible azumeina

²¹ Ata yi máma Ehut mi nik abom ma gulana, mi pat mbigeu mam mba fiyaka yam ab’alam ma ndjufâ, mi tchogom hurum tup.

Suma ka sariyad’a 3:21 Referans Kwoze

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Zakari 13:3

Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina.

Wana ni mbaktumba hi Job-pa 20:25

Nga mi pat yeûd’a woi huyogomu, nga mi ve vama sï ma tchogom adudugama woyo, mandara matna mba mi vum atogo zak mi.

1 Samuel 15:33

Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.

Suma ka sariyad’a 3:20

Eglon mi nga kaka kur gong nga ab’leng nga yam dudura akulo d’a a ngomot kam mam tu d’a. Ehut mi mba gevemu, mi dum ala: An nga ki zlad’a hAlonid’a á dangziya. Eglon mi tchol lei akulo yam zlam mamba.

Suma ka sariyad’a 3:22

Mbigeud’a kal kurum kaguwat tutum, mbulâ mi riwit tei yam siyad’u, kayam mam pat nga mbigeud’a woi kurum mbi, kayam ti ndeza ni woi blogom mbet.

Suma ka sariyad’a 3:16

Ehut mi zle mbigeu d’a fiyak ka siyat mbàd’a, fiyagat ni santimetred’a dok vahl, mi kalat ata d’ik mama kä krovo kur baru mama yam ab’alam ma ndjufâ.