Suma ka sariyad’a 3:10 - Bible azumeina

¹⁰ Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

Suma ka sariyad’a 3:10 Referans Kwoze

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.

Suma ka sariyad’a 14:6

Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 13:25

Muzu’â hi Ma didinina mi nde le sunda ki sed’em avo Mahane-Dan, aduk Sora ki Estawol.

Suma ka sariyad’a 11:29

Muzu’â hi Ma didinina mi kak yam Jefte. Mi i yam andaga d’a Galät-ta kandagad’a hi Manase-d’a, mi kal mi i Mispe d’a kur andaga d’a Galät-tid’a á i yam andagad’a hi suma Amon-nid’a.

Suma ka sariyad’a 6:34

Muzu’â hi Ma didinina mi kak yam Zedeyon. Mi bu adifa, mi yi suma hi Abiyezer-râ á i blogomu.

2 Sunda Hamuleinid’a 15:1

Muzu’â hAlonina mi mba yam Azariya Odet goroma.

Ndumba 24:2

Mi hle iram akulo, mi we Israel-lâ a ve nga kang mazina ad’u andjavazi ad’u andjavaziya. Ata yi máma Muzu’â hAlonina mi kak kamu.

Hebre-na 6:4

Yam suma a we woi tetet suma a djuk he d’a hawa d’a tcholï akulod’a suma a fe b’raud’a hi Muzuk ma bei tchod’a ba

Sawal la giled’a 51:11

Ang hle irang ngei yam tcho manda, ang has tchila manda woi mi.

2 Sunda Hamuleinid’a 20:14

Kur tok ndata Muzu’â hi Ma didinina mi mba yam Jahaziyel ma ad’u andjafâ hi Levi-na, ni Zakari goroma, Benaya gorom ngolona. Mam tamba ni Jeyel goroma, ni Mataniya gorom ngolona, ni ma ad’u andjafâ hi Asaf-fâ.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

Ndumba 27:18

Ma didina mi de mi Moise ala: Ang ve Josue Nun gorom ma nga ki Muzu’îna, ang tin abong kamu.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Ndumba 11:25

Ma didina mi tchugï asem kä kur d’ugula, mi de zlad’a mi Moise, mi hle Muzuk ma nga kaka kama, mi tinim yam suma nglo suma dok kid’iziya ndazina. Ata yima Muzu’â mi kak kazina, a nde djok vuna, wani a i nga avogovok ki.

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Suma ka sariyad’a 3:8

Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.

Suma ka sariyad’a 3:11

Ambasa ti kak ki halasa gak bizad’a dok fid’i. Bugola, Otniyel Kenas goroma mi mid’a.

1 Sunda Hamuleinid’a 12:18

Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.

Suma ka sariyad’a 11:32

Jefte mi i ata suma á duruziya; Ma didina mi humzi abomu.

Suma ka sariyad’a 15:14

Ata yima a mbamza Lehi-na, suma Filistê-na a tum sora, a ngavamu. Ata yi máma Muzu’â hi Ma didinina mi mba kak kamu. Ziyo ma a djinim kaboma, mi mbut d’igi baru d’a luluî d’a a ngalat kakud’id’a na, mi but teyo.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.