Suma ka sariyad’a 20:34 - Bible azumeina

³⁴ Suma 10.000 suma a manazi aduk Israel-lâ petna, a mba tchol lei avok Gibeya. Ayî máma mad’enga heî. Suma hi Benjamin-na a djib’er nga d’ala azi mba fe ini ndaka d’a d’i.

Suma ka sariyad’a 20:34 Referans Kwoze

Josue 8:14

Ata yima amul ma Aï-na mi we hina na, mam ki sum mama pet a tchol atogo zak ki yorogo tcholola, a buzuk kei á dur Israel-lâ. Amulâ ki sum mama pet a nga irazi abo ma a nga huruzi kam avok abo ma Araba-nina. Mi we nga d’ala suma a nga burâ kä huyok azì ma ngolâ á durumu d’a d’i.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Wana ni mbaktumba hi Job-pa 21:13

Kak mazid’a yam andagad’id’a ni ki djivid’a, a nga i kä azulei ki halasa bei ndaka ba.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Matiye 24:44

Kayam ndata, agi pî, minigi tagiya, kayam ata yima agi nga djib’eregi d’uo na, an Gor Sana mba ni mba kua.

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Zla d’a d’ogolâ 29:6

Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

Suma ka sariyad’a 20:35

Ma didina mi tchi suma hi Benjamin-na woi avok Israel-lâ. Israel-lâ a tchi suma hi Benjamin-na kur bur máma ni 25.100 mi. Azi pet ni suma mbigeu d’a fiyaka abozina.