Suma ka sariyad’a 20:27 - Bible azumeina

²⁷ Israel-lâ a djop Ma didina. Nata yi máma ba, zandu’â hAlonina mi nga kua.

Suma ka sariyad’a 20:27 Referans Kwoze

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Jeremi 7:12

Kayam ndata, agi igi ata yima a tinim iram vam ma avo Silo ma an tin simiyên kua adjeuna, agi gologiziya. Ni nana ba, an b’lagam mbei ge? Ni yam asa’ata hi man suma Israel-lîd’a.

Isai 59:1

Agi djib’eregi ala Ma didina abomî gid’engâ á sud’ugi d’oze humam mbi ni ngela á humugiya zu?

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Suma ka sariyad’a 20:28

Ni kur atchogoi ndata ba, Fines Elazar gorom ma Aron gorom ngolonina mi nga avok Alona ni mamu. Israel-lâ a djop Ma didina ala: Ami i durumi b’oziyomi suma hi Benjamin-na, d’oze ami vami tami kei zu? Ma didina mi hulong dazi ala: Agi igi ataziya, kayam avin an nga ni hagizi abogiya.

Suma ka sariyad’a 1:1

Bugol matna hi Josue-na, Israel-lâ a djop Ma didina ala: Nandjaf ma lara adigami ba, mi i avok kikidji á dur suma Kanan-na ge?

1 Samuel 10:3

Samuel mi dum kua ala: Ang mba iza avok hina nde, ang mbaza ini ad’u agu ma a tinim iram vam ma Tabor-râ, ang mba ngaf ini ki suma hindi suma a nga kal avo Betel á he vama ngat buzuna mAlonina. Ma dingâ tu nga mi tan b’ogeina hindi, ma mbàna mi nga kavungôna abom hindi, ma hindina mi nga kagel la süm guguzlud’a kamu.

2 Samuel 7:6

Kid’a an yoï Israel-lâ woi kur ambas sa Ezipte-d’a deid’a, an nga bei kak kur gonga tua. An tid’ï ni kur zlub’u d’a baru d’a a vat kabo agunid’a.