Suma ka sariyad’a 20:1 - Bible azumeina

¹ Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.

Suma ka sariyad’a 20:1 Referans Kwoze

Suma ka sariyad’a 11:11

Jefte mi i ki suma nglo suma Galät-na. A tinim ma ngolâ kaziya, a tinim ngola hi azigarîd’a mi. Jefte mi dugot zla d’a mi data pet avok Ma didina avo Mispa.

2 Samuel 3:10

Ma didina mi dala mba mi pat leud’a abo Saul, mba mi hat mi David á tamula yam Israel ki Juda, tinï ad’ud’a Dan dei gak mba Berseba d’uo zu?

1 Samuel 10:17

Samuel mi yi Israel-lâ ala a tok avok Ma didina avo Mispa.

1 Samuel 3:20

Suma kur ambas sa Israel-lina pet, tinï ad’ud’a Dan dei gak mba Berseba, a wala Samuel ni ma djok vun ma gagazina hi Ma didinina.

Suma ka sariyad’a 21:5

Israel-lâ a dala: Aduk Israel-lâ pet, andjaf ma mi i nga aduk toka avok Ma didina d’uo na ni ma lara ge? Kayam ei guni tei avok Ma didina avo Mispa ala: Andjaf ma mi i nga d’uo na, ei tchum mbeyo.

Josue 22:12

Ata yima Israel-lâ a hum hina na, ablaud’a hi Israel-lîd’a ti tok avo Silo á i durâ ataziya.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

2 Samuel 24:2

Amulâ mi de mi Jowap ma ngolâ hi azigarâ ma nga ki sed’ema ala: Ang i aduk andjafâ hi Israel-lîna pet, tinï ad’ud’a Dan dei gak mba Berseba. Ang ndum suma kayam an we azi ni ga ge?

Esdras 3:1

Kid’a Israel-lâ a mba avo hatazi kur azì mazina ata yima a kal kur til ma kid’iziyanina, a tok tazi d’igi sama tuna na avo Jerusalem.

2 Sunda Hamuleinid’a 30:5

A he vuna ala a tchi wala kur azì ma Israel-lâ pet, a tinï ad’ud’a Berseba gak mba avo Dan, tala a mbeï Jerusalem á le vun til ma Pa’â á he ngola mi Ma didina Alona hi Israel-lîna d’a. Kayam suma a lum avo’â a nga ablaud’a d’igi a b’irim kur gata na d’i.

1 Sunda Hamuleinid’a 21:2

David mi de mi Jowap ki suma nglo suma avok sumina ala: Agi igiya, agi i ndumugï Israel-lâ, agi tinigi ad’ud’a Berseba dei gak mba avo Dan. Agi mbeï danu, kayam an ni we azi ni ga ge.

2 Amuleina 25:23

Suma nglona ki sum mazina a hum ala: Amul ma Babilon-na mi tin wa Gedaliya á te yam ambasa. Kayam ndata, a i gen Gedaliya avo Mispa. Azi ni Ismael Netaniya goroma ki Johanan Kareya goroma ki Seraya Tanhumet gorom ma Netofa-na ki Jäzaniya ma Mäka-na goroma zlapa ki sum mazina mi.

2 Samuel 19:14

Zlad’a hi David-ta ti mbut hur suma Juda-na tu d’igi hur sama tuna na. A ge sunda a dum ala: Ang mbeï kazungeî mangâ pet.

2 Samuel 2:9

Mi tinim amula yam suma Galät-na, yam suma Asur-râ, yam suma Jisreyel-lâ, yam suma Efraim-ma, yam suma Benjamin-na, nala, yam Israel-lâ pet.

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Suma ka sariyad’a 20:11

Ni hina ba, Israel-lâ a tok tazi á dur azì ma ngolâ d’igi sama tuna na.

Suma ka sariyad’a 20:8

Suma pet a tchol akulo d’igi sama tuna na, a dala: Sa adigei tu pî mba mi i kur zlub’u mamba d’i, sa tu pî mba mi hulong avo hatam mbuo mi.

Suma ka sariyad’a 20:2

Suma avok sumina pet kandjafâ hi Israel-lâ pet a i toka hi suma hAlonid’ina. Suma mayâ suma ki mbigeu d’a fiyaka abozina, a ni 400.000.

Suma ka sariyad’a 18:29

Azi yazì ma ngol máma ala Dan ki simiyê abuzi Dan ma a vud’um mi Israel-lîna. Wani avok a yazì ma ngol máma ala Layis.

Suma ka sariyad’a 10:17

Suma Amon-na a tok tazi a ve kangâ Galät; Israel-lâ a tok tazi a ve kangâ Mispa mi.

Josue 17:1

Wana nandaga d’a a hat mandjafâ hi Manase ma Josef gorom ma ngolâ ki toginid’a: Makir ni Manase gorom ma ngolâ, ni Galät abumu. Mi fambas sa Galät-ta ki d’a Basan-nda djona mi, kayam mam mi sama dur ayîna.

Ndumba 32:1

Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ.

Josue 18:26

Mispe, Kefira, Mosa,

Josue 15:38

Dilan, Mispe, Joktel,

Ndumba 32:40

Moise mi hambas sa Galät-ta mi Makir ma Manase goromina, mi kak kua.

Jeremi 40:6

Jeremi mi i gen Gedaliya Ahikam goroma avo Mispa, mi ar kaka ki sed’em aduk suma a ar kaka kur ambasina.

Josue 4:13

Suma dur ayî suma a min tazi á durâ ndazina, a ni go ki 40.000. Sum ndazina a kal avok Ma didina, a i irazi hur ful la Jeriko-d’a.

Josue 22:9

Suma hi Ruben-na azi ki suma hi Gad-na kabo andjafâ hi Manase-na, a tchol Silo yam ambas sa Kanan-nda, a ar b’oziyozi suma Israel-lâ á hulong yam ambas mazi d’a Galät-ta. Nambas sa a hazizi d’igi Ma didina mi he vuna mi Moise na d’a.

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

1 Amuleina 5:5

Wani ki tchetchemba, an nga hurun á min gonga mi Ma didina Alo mana kayam mam de mabun David ala: Ni gorong ma an mba ni pad’am á vrak blangâng amulina ba, mba mi minin gong nga kud’or ra suma a mba kud’uron kuad’a.

Nehemi 11:27

Hasar-Suwal ki Berseba kazì ma nguyuma,