Suma ka sariyad’a 18:27 - Bible azumeina

²⁷ Suma hi Dan-na a yo ahle suma Mika mi lazina, a ve ma ngat buzu ma nga mi lum sundina mi, a nde yam suma Layis suma a nga kaka tchugot ki halasina, a tchazi ki mbigeu d’a fiyaka, a ngal azì ma ngolâ woi mi.

Suma ka sariyad’a 18:27 Referans Kwoze

Suma ka sariyad’a 18:7

Suma vahl ndazina a iya, a mbaza Layis, a fe sumazina a nga kaka ki halasa tchugot d’igi suma Sidon-na na, ki halasa bei djib’era ba. Sa mi nga gevezi á lazi ndak koze á te kazi d’uo mi. Azi ni kaka woi dei ki suma Sidon-na, azi ve nga bana ki suma ding nguo mi.

Josue 19:47

Andagad’a handjafâ hi Dan-nid’a ti ar avorozi tua, kayam andjafâ hi Dan-nid’a a i dur azì ma Lesem-ma, a hlumu, a tchi suma kurâ ki mbigeu d’a fiyaka, a kak kua. Azi yi azì máma ki simina habuzi ngolona ala Dan.

Suma ka sariyad’a 18:10

Fata agi kalagi kuad’a, agi mba fagi suma a nga kaka ki halasina. Andaga ndata ti bubud’a, Alona mi hagizi abogi mi. Ni yima ahle suma yam andagad’a ka hina a kid’ak nga kua d’uo na mi.

Josue 11:11

Mi tchi suma kurâ woi pet, mi ar nga vama muzuk bei tchi tu d’i, mi ngal azina woi mi.

Gat ta a hat á mbàd’id’a 33:22

Mi de yam andjafâ hi Dan-na ala: Dan ni d’igi azlo ma azong ma nga mi lak kur Basan-na na.

Ad’u Tinda 49:16

Dan mba mi bak zlad’a aduk sum mama d’igi andjaf an Israel ma dingâ tu na mi.

Suma ka sariyad’a 18:26

Suma hi Dan-na a tchuk tazi iya. Kid’a Mika mi wala azi ad’enga kalamu d’a, mi hulong avo hatamu.

Suma ka sariyad’a 8:11

Zedeyon mi hle lovot ta i avo hi suma a nga kaka kur zlub’ud’a abo ma yorogona hi Noba ki Jokbeha-na, mi dur azigar suma a nga kaka kur kang suma a djib’er ala vama lazi ni me ge na.