Suma ka sariyad’a 16:28 - Bible azumeina

²⁸ Ata yi máma Samson mi tchen Ma didina ala: Salad’a Ma didina, an nga ni tchenengû, Alo mana, ang djib’er kanu! Ang han ad’enga ki tchetchem mba wanda hina go, ar an sä atchugulun ki suma Filistê-na yan hina tu yam iran nda mbà d’a a tchot teid’a.

Suma ka sariyad’a 16:28 Referans Kwoze

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Sawal la giled’a 143:12

Yam o mang nga didinda, ang duk vun man suma djangûna akulo, ang tchi suma a nga tchan iran tata ki zlad’ina woi pet, kayam an nazong mangâ.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Sawal la giled’a 116:4

Wani an nga ni yi simiyê Ma didina, an dala: Ma didina, ang wan hohowonu, ang sud’unu.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Suma ka sariyad’a 15:18

Ata yi máma vunam so, mi tchen Ma didina ala: Kayam ni ang ba, han an azong mangâ ad’enga á sut suma woi wana. Ki tchetchemba, an mit tei abo vun ma sod’a ba, ni ndabo suma bei ngat bayâd’a zu?

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Jonas 2:7

An sir kä ad’u ged’a hahinad’id’a, vun azì ma azuleina mi nga duka kan ngingi. Wani Ma didina, Alo mana, ang tcholon akulo woi kur zula karid’a.

Suma ka sariyad’a 16:27

Andjofâ karopma a nga oîd’a hur gonga, amulei suma Filistê-na a nga kua. Suma kur gongina pet andjofâ karopma a ni go ki 3000, a nga gol Samson luna.

Suma ka sariyad’a 16:29

Samson mi vabom ata grak ka mbà d’a aduk ka djik gonga akulod’a, mi vabom ma ndjufâ ata hid’a, mi vabom ma gulana ata hid’a mi.

Sawal la giled’a 10:12

Ma didina, ang tchol akulo, Alona, ang ndjunumiya, ang mar yam suma hohoud’a d’i.