Suma ka sariyad’a 16:25 - Bible azumeina

²⁵ Kur furî mazid’a a dala: Agi i yagï Samson mi mbeï mi lei zla d’a sanda. A yï Samson ndei kur dangeina, nga mi lü djongâ avoroziya. A tcholom aduk grak ka hur gongid’a.

Suma ka sariyad’a 16:25 Referans Kwoze

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

Suma ka sariyad’a 19:6

Bugola, azi zla tazi djak a te, a tche. Gora abutna mi de mi ndjuvut ala: Ar tang lang djivid’a, ang ve tang ang bur to, ang i tua.

Suma ka sariyad’a 9:27

A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.

Matiye 27:29

A tchil avaval aweid’a, a kulubumzi kamu. A dengêm tchereuna abom ma ndjufâ, a grif kä avoromu, a nga lazam ala: Lafiya, amulâ hi Juif-fîna, ami gang depa.

Isai 22:13

Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Sawal la giled’a 69:12

An tchuk dodora atanu, wani an mbut ni va mazi ma lasa.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

1 Amuleina 20:12

Ata yima Ben-Hadat mi hum zla ndatina, mi nga ni kur tched’a zlapa kamulei suma dingâ kur zlub’ud’a. Ata yi máma na wat mi he vuna mi azigar mam suma nglona ala: Agi minigi tagi á ndagi azina durâ! Azi min tazi á nde durâ mi.

Suma ka sariyad’a 19:9

Atchad’a ndjuvut mi tchol á id’a kamamba kazong mama, wani akunoma, nala, gora abud’u, mi dum ala: Gola! Afata ar go á nika, yina mi kal mi. Agi burugi kä to! Gola! Afata arî go á nika mi. Ar tang lang djivid’a, agi burugi ka hî to. Avin agi mba tchologi ki yorogo tcholola, agi igi avo hatangîya.

Suma ka sariyad’a 18:20

Ma ngat buzuna tam lum djivid’a heî, mi hle filei ma a yum ala efona ki ma a yum ala terafima kagu ma tcheta, mi ge tam aduk ablaud’a.

Suma ka sariyad’a 16:24

Ata yima a wuma, a subur alo mazina, a dala: Alo meina mi hei wa Samson mei ma djangû ma mi b’lagei ambas meid’a mi dabei tchid’ina aboya.

Suma ka sariyad’a 16:26

Samson mi de mi gor azong ma vum aboma ala: Ang aran an i ni vabon ata grak ka djik gonga akulod’a, an i ni deng tan kua.

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.