Suma ka sariyad’a 15:19 - Bible azumeina

¹⁹ Alona mi ngo ir ahina d’a Lehi-d’a woyo. Mbina mi buzugï woi ata ahinad’a djangâ. Samson mi tche mbina, mi fad’enga. A yi yi máma ala Mbiyo ma lau ma En-Hakore-na. Yi máma nga avo Lehi gak ini.

Suma ka sariyad’a 15:19 Referans Kwoze

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Ad’u Tinda 45:27

Azi dum zla d’a Josef mi dazizid’a pet. Mi we pusâ hakulumei suma goroma Josef mi sunumï á hlum ki na; ata yi máma abuzi Jakob tam gra.

Sawal la giled’a 34:6

Suma a hle irazi á goloma, irazi b’o woyo, azi nga mbut zulona d’i.

Isai 40:29

Mi nga mi had’enga mi sama kauna, nga mi had’enga mi sama ad’engêm ar go á dapina.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Sawal la giled’a 120:1

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

1 Samuel 30:12

A hum tulum ma sod’a nde ki ades guguzlu d’a sod’a mbà mi. Kid’a mi mud’uzi dad’a, mi fad’enga, kayam mi te nga tena d’oze mi tche nga mbina d’uo burâ hindi.

Buzuk ka Abud’a 17:15

Moise mi min yima ngal ahle suma ngat buzuna, mi yum ala: Ma didina ni Bangâ mana.

Ad’u Tinda 30:30

An fang ahligiyengî hina yegre go, a zul ki tchetchemba ni kayam anu; Ma didina mi b’e vunam kangî kayam an mi. Ki tchetchemba, ni mindja ba, an mba ni le sunda yam aziyan nge?

Ad’u Tinda 28:19

Mi yi yi máma ala Betel. Adjeu a yi yi máma ala Lus.

Ad’u Tinda 16:13

Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

Ndumba 20:11

Moise mi hlabom akulo, mi wat ahinad’a ki totogo mamba yam mbà. Ahinad’a ti buzuk ki mbina djangâ ngola; ablaud’a ki d’uwar matna a tche.

Suma ka sariyad’a 15:9

Azigar suma Filistê-na a i ve kangâ yam andagad’a hi Juda-d’a, a ndjar gak a mbaza Lehi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 110:7

Amulâ mba mi tche mbiyo toliyonda iram glovoyo. Ni kayam ndata ba, mba mi yo djedjerem akulo.