Suma ka sariyad’a 15:15 - Bible azumeina

¹⁵ Mi fe pepleng koro ma mit kä awilina, mi nik abom mi hlumu, mi tchi suma ki sed’em dubu.

Suma ka sariyad’a 15:15 Referans Kwoze

Josue 23:10

Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na.

Sunda hi suma hi Levi-nid’a 26:8

Suma vahl adigagina a mba dik suma kisâ, suma kis adigagina a mba dik suma 10.000; magi suma djangûna a mba puk kä avorogi abo mbigeu magi d’a fiyaka.

Suma ka sariyad’a 3:31

Bugol Ehut, Samgar Anat goroma mi vraga. Mi tchi suma Filistê-na kikis karagaya ki leleu ma a hat kamuzleinina, mi sut Israel-lâ woi mi.

1 Samuel 14:14

Nde d’a Jonatan azi kazong mam ma ndazi ayîna avoka, a tchi Filistê-na d’igi dok mbà na. Yima a tchazi kuana ndak ir palumba tu.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

Suma ka sariyad’a 7:16

Zedeyon mi wal suma kikis hindina kä ad’u hindi. Mi hazi aduveina abozi tutu pet, kagolongeî suma va nga kuruzi d’uo na kaku d’a ganda kuruzi mi.

Suma ka sariyad’a 4:21

Sisera mi bur sena ngola abo seîd’a. Jayel atchad’a hi Heber-ra ti hleï tcheble ma a b’al ki zlub’ud’a kä na, ti hleï martona abot mi, ti hud’ï lalam, ti balam tcheblena andei humam te’es gak mi ndeza kä woi andaga, mi mid’a.

Hebre-na 11:34

azi tchi sin aku d’a bibiliud’a woyo, azi sut tazi abo mbigeu d’a fiyaka. Azi ni suma amangeîna, wani a mbut ad’enga. Azi fad’enga kur ayî ma durâ, azi kus yam b’ranga hi suma dingîd’a.

Suma ka sariyad’a 15:16

Samson mi dala: Ki pepleng koro ma tuna an tchi suma dubu, ki pepleng korona an tin suma gubud’a.

Suma ka sariyad’a 15:17

Ata yima vunam dap zla d’a ded’ina, mi ge pepleng koro máma woyo. A yi yi máma ala Ramat-Lehi.

Sunda hi suma hi Levi-nid’a 26:7

Agi mba digigi magi suma djangûna; azi mba puk kä avorogi abo mbigeu magi d’a fiyaka.

2 Samuel 23:8

Wana ni simiyê grang suma dur ayîna hi David-na: Isebäl ma Hakmon-na; ni ma a yum ala Adino ma Es-sâ na mi; ni ma yam grang suma hindina; ni ma yam tu mi i tchi suma kasap mamba kikisa klavandina.