Suma ka sariyad’a 13:3 - Bible azumeina

³ Malaikana hi Ma didinina mi nde tam mbei ir atcha ndata, mi dat ala: Gola! Nda’î gendreged’a, ndak nga d’i vut ti. Wani ndak mba d’i ve wirâ, ndak mba d’i vut gor mandjufâ.

Suma ka sariyad’a 13:3 Referans Kwoze

Wana ni Zla d’a Djivi d’a Luc mi b’irita 1:13

Wani malaikana mi dum ala: Zakari, ang le mandar ri, kayam Alona mi hum tchen manga. Amanga Elizabet mba d’i vut gorâ, ang mba tinim simiyêm ala Jean.

Wana ni Zla d’a Djivi d’a Luc mi b’irita 1:11

Ata yi máma, malaikana hi Salad’ina mi nde woi ir Zakari, mi nga tchola abo ma ndjufâ hi yima a minim ki lora á ngal dubang ma his djivid’ina kuana.

Suma ka sariyad’a 13:8

Manowa mi tchen Ma didina ala: Salad’a, ar sana hAlona ma ang sunumina mi mbeï gevemi kua, mi had’ami vama ami mba lum ki gor ma a mba vud’um máma.

Suma ka sariyad’a 2:1

Malaikana hi Ma didinina mi tcholï Gilgal mi mba Bokim, mi de mi Israel-lâ ala: An buzugugï woi avo Ezipte, an mba wa ki sed’egi kur ambas sa an hle vunan kat mabuyogi ngolo ki gun tad’id’a. An dala: An mba ni but vun ma djin ma an djinim ki sed’egina woi dei gak didin.

2 Amuleina 4:16

Elise mi dat ala: Dama hina dedege wani, ndak mba d’i ve gorâ abogu. Wani ti dum ala: Hawa! Salana, nga na d’i! Angî sana hAlonina, ang dan zla d’a kad’a hina d’i!

Ad’u Tinda 18:10

Ma dingâ tu adigazi mi dum ala: Gagazi, an mba ni hulongî dama hina dedege wani, amanga Sara mba d’i vut gorâ. Wani Sara ti nga avun zlub’ud’a blogomu, ti huma,

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

1 Samuel 1:20

Kur biza ndata, ti ve wirâ, ti vut gorâ, ti yum ala Samuel, nala, An tchenem nabo Ma didina.

Suma ka sariyad’a 13:10

Ti ring atogo zak, ti de mi ndjuvut ala: Gola! Sama mba fata gevena, mi nde wa tam mbei iranu!

Suma ka sariyad’a 13:6

Atcha ndata ti de mi ndjuvut ala: Sana hAlonina mi mbeï gevenu, iramî d’igi ir malaikana hAlonina na; ni vama mandarâ. An djobom nga ala: Ang tcholï ni lara ge d’i, mi tagan nga simiyêm mbuo mi.

Suma ka sariyad’a 6:14

Ma didina mi mbut iram atam mi dum ala: Ang i kad’eng nga ang nga ki sed’eta, ang mba sut Israel-lâ woi abo suma Madiyan-na. Ni an ba ni sunung nguo zu?

Suma ka sariyad’a 13:15

Manowa mi de mi malaikana hi Ma didinina ala: Ang humumiya, ang ve tang kei, ami ngad’ang gor ahu b’ëna tu.

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.