Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.
Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.
Ni kur atchogoi ndata ba, Fines Elazar gorom ma Aron gorom ngolonina mi nga avok Alona ni mamu. Israel-lâ a djop Ma didina ala: Ami i durumi b’oziyomi suma hi Benjamin-na, d’oze ami vami tami kei zu? Ma didina mi hulong dazi ala: Agi igi ataziya, kayam avin an nga ni hagizi abogiya.
Suma hi Manase-na a dik nga suma a nga kaka Bet-Seyan-na kazì ma nguyuzina, suma Täna’â kazì ma nguyuzina, suma Dor-râ kazì ma nguyuzina, suma Jibleyam-ma kazì ma nguyuzina, suma Megido-na kazì ma nguyuzina woi d’uo mi. Suma Kanan-na a min kak kur ambas ndata mi.
Fata Aron mba mi kal avogon an Ma didinid’a, Moise, ang b’al vama a yum ala Urima ki vama a yum ala Tumima ata baru d’a ka sariya d’a didigamba. Hina wani, Aron mba mi zi sariyad’a hi gro Israel-lîd’a akulo didigam avoron an Ma didina burâ ki burâ.
Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!