Sofoni 1:13 - Bible azumeina

¹³ A mba hurum ndjondjoî mazid’a, a mba b’lagazi aziyazi woyo, a mba min azina, wani azi mba kak kur ri, a mba pe guguzlud’a, wani azi mba tchat sümut tuo mi.

Sofoni 1:13 Referans Kwoze

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Mise 6:15

Agi mba zaragiya, wani agi mba dud’ugi d’i; agi mba yorogi vut olifâ, wani agi mba lagi mbulum atagi d’i; agi mba mired’egi guguzlud’a, wani agi mba tchat sümut ti.

Gat ta a hat á mbàd’id’a 28:30

Le sa adigagi mi ka atchad’a ni, sama ding mba mi bur ki sed’et ni mamu. Le sama ding adigagi mi min azina ni, sama ding mba mi kak kurî mamu. Le sa adigagi mi pe guguzlud’a ni, mba mi dud’ut vud’ut ta avoka d’i.

Ezekiyel 7:21

An mba ni he ndjondjoî mazid’a mandjaf ma dingâ á hurumba, an mba ni hat tei d’igi vama a hlumî avun ayînina na mi suma le tcho suma a nga yam ambas ndatina kayam azi mbud’ut vama ndjendjed’a.

Jeremi 15:13

Ma didina mi dala: Agi suma Juda-na, an mba ni he lovota mi suma á hurum bege magid’a ki ndjondjoî magid’a hawa yam tcho d’a agi lat kur ambas magid’a peta.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Gat ta a hat á mbàd’id’a 28:39

Agi mba pagi guguzlud’a, agi mba lat sunud’u, wani agi mba tchat sumut ti, agi mba dud’ut vud’ut tuo mi, kayam ndjuvulâ mba mi dabat ted’a.

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 7:19

A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Jeremi 5:17

A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Jeremi 17:3

Agi suma Juda-na, ahuniyô mana, bege magid’a, ndjondjoî magid’a pet ki yi magi ma akulo ndingâ, an mba ni he lovota mi suma á hurumuzi hawa yam tcho d’a agi lat yam andaga magid’a peta.

Hor ma tchina 5:2

Djo mamina a hum wa mandjaf ma dingâ, a he wa aziyami mi suma ami wazi nga d’uo na.

Ezekiyel 7:24

An nga ni mba kandjaf suma asa’at mazid’a kal suma petna á yozi aziyaziya, an mba ni dap vun subur tad’a hi suma nglonid’a woyo. Yi mazi ma a tinim iram vam tetengâ mba mi mbut ndjendjed’a mi.