Sawal la giled’a 99:1 - Bible azumeina

¹ Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Sawal la giled’a 99:1 Referans Kwoze

Sawal la giled’a 97:1

Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Sawal la giled’a 97:4

Wile mamba ti b’o yam duniyad’a, andagad’a ti wad’u, ti nga d’i zlaga.

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Vama ndum mbeina 11:17

A dala: Salad’a Alo ma ad’engêm kal petna, ang Ma nga na, ang Ma nga adjeu deina, ami lang mersi kayam ang hle wa sib’ik mang nga kal papad’a, ang nga te yam suma.

Vama ndum mbeina 6:14

Akulod’a a d’ud’ut tei d’igi a d’ut haragad’a na, ahinad’a ki til la lara ge pet a pad’azi woi ata yaziya.

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

Wana ni Zla d’a Djivi d’a Luc mi b’irita 19:12

Kayam ndata, mi dala: Sana tu nad’u andjaf ma amula. Mi i yam andaga d’a deid’a á mbut amul ma ngolâ yam tamu, bugola, mi hulongîya.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 49:21

Andagad’a mba d’i giget abo siwel la yam puk mazid’id’a, tchi mazina mba mi i gak nde sä woi avun alum ma ngol ma Tchereuna.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Isai 19:14

Ma didina mi hazi muzuk ma tchazi tatana adigazi á vit Ezipte-na woi kur sun mazid’a pet d’igi sana mi gurut ki süma, mi tib’ak tam ki vin mama na.

Sawal la giled’a 96:10

Agi dagi mandjaf suma pet ala: Ma didina nga mi tamula. Ni kayam ndata ba, andagad’a ti nga kaka ngingring, nga d’i giget tuo ni na. Mi nga mi ka sariyad’a yam andjaf suma ki d’ingêra.

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

2 Samuel 6:2

David azi ki suma a nga ki sed’ema a tchol avo Bäla d’a Juda-d’a á hleï zandu’â hAlonina. Ni ma nga yï ki simiyê Ma didin ma ad’engêm kal pet ma nga kaka aduk tcherebê suma yam zandu’îna.

1 Sunda Hamuleinid’a 16:30

Agi suma yam andagad’ina pet, agi zlagagi avoromu. Andagad’a ti nga kaka ngingring nga d’i giget ti.

Sawal la giled’a 80:2

Ma pol Israel-lâ, ang tin humang huma, ang pol Josef d’igi sana mi pol tumiyôna na. Ang ma nga kaka aduk tcherebênina, ang nde tang ngeyo.

Sawal la giled’a 96:9

Agi grivigi kä avok Ma didina kahle magi suma a tinizi irazi vazina; agi suma yam andagad’ina pet, agi zlagagi avoromu.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.