Sawal la giled’a 98:1 - Bible azumeina

¹ Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.

Sawal la giled’a 98:1 Referans Kwoze

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Sawal la giled’a 96:1

Agi gilegi Ma didina ki sawal la awilid’a! Agi suma yam andagad’ina pet, agi gilegi Ma didina!

Sawal la giled’a 33:3

Agi gilem ki sawal la awilid’a, agi bugi ading magina djivid’a, agi eregi ad’ugi akulo mi.

Sawal la giled’a 96:3

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Sunda hi suma a sunuzinid’a 2:11

nala, Juif-fâ ki suma mbut Juif-fîna mi. Suma hiuna ni suma Kret-na ki suma Arap-ma. Ni nana ba, ei nga hum sum ndazina a nga de zlad’a ki vun meina teteng yam sun nda ngol la Alona mi lata na ge?

Wana ni Zla d’a Djivi d’a Luc mi b’irita 1:49

kayam Alo ma ad’engêm kal petna, mi le vama ngolâ kanu. Mam mi Ma bei tchod’a ba na.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Isai 63:5

An gol iranu, wani an fe nga sama ndjunun ndi. An le atchap kayamba sama ndjunun nga d’uo d’a. Ata yi máma ad’eng manda ti ndjununu, ayî man ma bibiliuna mi ndjunun mi.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Sawal la giled’a 149:1

Agi gilegi Ma didina! Agi gilegi Ma didina ki sawal la awilid’a, agi hlagi sawala á gilegizi kur toka hi suma d’engzengîd’a.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 59:16

Ma didina mi we nga sa d’i, mi le atchap kayam sama mi mba á ndjundina nga d’i. Kayam ndata, abom mi ndjunumu, mi mbut vama mam deng tam kama.

Sawal la giled’a 139:14

An nga ni gileng kayam an ni vama ge ma ndandalâ; sun manga ni sun nda atchapa, an wat tei tetet mi.

Sawal la giled’a 136:4

Mam tu ni sama lahle suma nglo suma ndandalîna, kayam o mamba nga d’i dap pi.

Sawal la giled’a 105:5

Agi andjafâ hazong mama Abraham-ma, agi andjafâ hi Jakob ma mam manama, agi djib’eregi yam sun mam mba ndandal la mam lata, yam ahle suma yoyouna ki sariya d’a nga mi kata mi.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 77:14

Alo mana, sun mang nga led’a ni vat zenen, nalo ma lara ba, mi ngola d’igi ang na ge?

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Sunda hi suma a sunuzinid’a 19:20

Ni hina, zlad’a hi Salad’id’a nga d’i i avogovok kad’eng mamba.

Vama ndum mbeina 6:2

An gola, an we akulum ma hapma. Ma mi nga kama, mi nga kagu yeûd’a aboma, a hum avavala mi. Mi nde mi i á kus ayîna, á kus kua mi.

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 72:18

Ar ei suburi Ma didina Alo meina, Alona hi Israel ma tu ma ndak á lahle suma atchapmina!

Sawal la giled’a 89:14

Ni bigang ang ba, tad’enga kal pet, nabong ang ba, mi sib’ika kal pet, abong ma ndjufâ, mi nga zid’a akulo mi.

Isai 12:5

Agi suburugi Ma didina ki sawala, kayam mi lahle suma kal papana. Ar suma a wazi woi yam andagad’a pet mi.