Sawal la giled’a 97:5 - Bible azumeina

⁵ Ahuniyôna a nga lau woi d’igi dubangâ na avok Ma didina, avok Salad’a ma te yam andagad’a petna.

Sawal la giled’a 97:5 Referans Kwoze

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Sawal la giled’a 47:2

Agi suma pet, ar agi tchagi abogi ririp, agi lagi furîd’a, agi suburugi Alona ki delegi akulo.

Habakuk 3:6

Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Josue 3:11

Gola! Zanduk ma vun ma djinda hi Ma didin ma Sala andagad’ina mi nga kuana sä mi djak aluma avorogi wana.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Marik 11:3

Le sa mi dagi ala: Ni kayam me ba, agi bud’um ge ni, agi dum ala: Salamina mi minimî mamu; mba mi sunumï ka hî atogo zak mi.

Sawal la giled’a 75:4

Andagad’a kahle suma kurutna pet a mba giged’a, wani ni an ba ni sirat ad’ud’u. Tchol ndjö