Sawal la giled’a 97:1 - Bible azumeina

¹ Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Sawal la giled’a 97:1 Referans Kwoze

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Vama ndum mbeina 11:17

A dala: Salad’a Alo ma ad’engêm kal petna, ang Ma nga na, ang Ma nga adjeu deina, ami lang mersi kayam ang hle wa sib’ik mang nga kal papad’a, ang nga te yam suma.

Marik 11:10

Ar Alona mi b’e vunam yam sama nga mi mba te leud’a habui ngolo David ta nga d’i mbad’ina. Suburi Alo ma sä akulona.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Ad’u Tinda 10:5

Nata azi ba, andjafâ mi b’rau woi avun mbina teteng, nge nge pî kandaga mamba ki vun mama, ad’u andjavam kadezem mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Matiye 3:3

Ni Jean ma ma djok vun Alona Isai mi dum zlam ala: Wana ni dela hi ma nga mi er ad’um kur fula ala: Agi minigi lovota hi Ma didinid’a, agi minigi lovot mam mba gureid’a d’ingêru na.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Sawal la giled’a 2:11

Agi lagi sunda mi Ma didina ki mandarâ, agi lagi furîd’a, agi zlagagi avorom mi.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.