Sawal la giled’a 96:10 - Bible azumeina

¹⁰ Agi dagi mandjaf suma pet ala: Ma didina nga mi tamula. Ni kayam ndata ba, andagad’a ti nga kaka ngingring, nga d’i giget tuo ni na. Mi nga mi ka sariyad’a yam andjaf suma ki d’ingêra.

Sawal la giled’a 96:10 Referans Kwoze

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Sawal la giled’a 67:4

Alo mamina, ar andjaf suma a suburungû, ar andjaf suma pet a suburungû.

Sawal la giled’a 9:8

Ma didina, ang nga tamula gak didin, ang tin zlam manga á ka sariyad’a.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Galat-na 1:16

Kid’a mi nga hurum á tagan Goroma kayam an tchi wal Zla d’a Djivi mamba mandjuf suma dingâ d’a, ata yi máma, an hal nga wad’ud’a hi sa d’i.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Sawal la giled’a 126:2

Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

Sawal la giled’a 96:13

kayam nga mi djïya! Nga mi djï á ka sariyad’a yam andagad’a, mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Sawal la giled’a 18:49

Ang sud’un ndei abo man suma djangûna, ang tinin á kus ayîna yam man suma djangûna, ang sud’un ndei abo sama murud’umba mi.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

Sawal la giled’a 59:13

Zla d’a ndavunazid’a ni tchod’a; ar azi puk kä yam yam mba ad’eng mazid’a, yam vun ma ge ma azi nga gum mi suma ki zla mazi d’a kad’ina mi.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Sawal la giled’a 9:9

Ang nga ka sariyad’a yam suma kur duniyad’ina ki d’ingêra, ang nga ka sariyad’a yam andjaf suma ki d’engzeng manga mi.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.