Sawal la giled’a 95:8 - Bible azumeina

⁸ Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Sawal la giled’a 95:8 Referans Kwoze

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Ndumba 20:13

Wana ni mbiyo ma Meriba-na. Ni yima Israel-lâ a yal ki Ma didina kua, mi tagazi subur mamba woi adigazina.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 14:11

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

1 Samuel 6:6

Ni kayam me ba, agi b’alagi hurugi d’igi Faron ki mam suma Ezipte-na a b’al huruzi hina ge? Agi djib’eregiya, ni nana ba, Alo máma mi mbazi ndaka kazi gak a ar Israel-lâ a i ge?

Gat ta a hat á mbàd’id’a 6:16

Ar agi kugugi Ma didina Alo magina d’igi agi kugum sä Masa na d’i.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Jude 1:5

Wani ki tchetchemba, agi wagi ahle ndazina tetet, wani an nga ni gagi humagi kua, ni nana ba, Salad’a mi sut Israel-lâ woi kur ambas sa Ezipte-d’a, bugola, mi ba suma a he nga gagazid’a d’uo na woi ge.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

Sunda hi suma a sunuzinid’a 19:9

Wani suma ablaud’a a min he gagazid’a d’i, a nga las lovota hi Salad’id’a avok suma ablaud’a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod’a kur gong nga hata hi Tiranus-sa.

Buzuk ka Abud’a 17:2

a nde yalâ ki Moise, a dum ala: Ang hamï mbiyo ma tched’a. Moise mi hulong dazi ala: Ni kayam me ba, agi yalandi ge? Ni kayam me ba, agi kugugi Ma didina ge?

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Ndumba 14:27

An mba ni ar ablau d’a tcho ndata a gureî kan hina gaga’î mindja ge? An hum gureî d’a Israel-lâ a guruyôt kanda.

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.