Sawal la giled’a 95:6 - Bible azumeina

⁶ Agi mbeyegïya, agi grivigi kä, ei kud’oreigi Ma didin ma leina.

Sawal la giled’a 95:6 Referans Kwoze

Filip-ma 2:10

Yam simina hi Jesus-na, guguf ma lara ge pet ma hi suma sä akulona ki ma hi suma kä yam andagad’ina ki ma hi suma kä ad’u andagad’ina, mi grif kä avoromu,

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Sawal la giled’a 95:1

Agi mbeyegï ei gileigi Ma didina ki delei akulo, ei suburi ahina mei d’a suta ki furîd’a!

Efes-sâ 3:14

Ni kayam ndata ba, an tchuk guguvan kä avok Abui

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

2 Sunda Hamuleinid’a 6:13

Avok bur máma, Salomon mi min yima tchola ki kawei ma hleuna, mi tinim krovo kur gulumuna. Fiyagamî metred’a mbà ki nusa, bubuwamî metred’a mbà ki nusa, fiyagam mba akulod’a ni metred’a tu ki nusa mi. Mi tchol akulo kamu, mi grif kä avok ablaud’a hi Israel-lîd’a pet, mi yo abom akulo mi tchen Alona ala:

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

Esdras 9:5

Kur ler ra fladege d’a a ngat ahlena buzuna kuad’a, an tcholï ata yi man ma an mbut tan hohoud’a kuana ki baru mana ki baru man nda ngola haûd’a woi atan pet, an grif kä, an yo abon akulo avok Ma didina Alo mana,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Sunda hi suma a sunuzinid’a 21:5

Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.

Isai 17:7

Kur bur máma sana mba mi mbut iramî yam Salam ma mi luma, mba mi tin iramî yam Ma tin tam irat vat yam Israel-lîna.

Sawal la giled’a 72:9

Andjaf suma abagei hur fulîna, a mba grif kä avoromu, mam suma djangûna a mba trâ andaga d’a gugud’upa kä avorom mi.

1 Amuleina 8:54

Kid’a Salomon nga mi tchen Ma didina ki hud’id’a, mi ni grifa kä avok yima ngal ahle suma ngat buzuna, abomî yod’a akulo hur alona. Kid’a vunam dap tchendid’a, mi hulong tchol akulo.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Marik 14:35

Mi hut sä avok hina nde, mi ge tam kä, mi tchen ala: Le ndak hina ni, ar yi máma mi kal lei kanu.

Matiye 4:2

Ata yi máma, mi le burâ dok fid’i falei kandjege bei te tena; meid’a ti nde tchumu.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Sawal la giled’a 149:2

Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Vama ndum mbeina 22:8

An Jean ni huma, ni wahle ndazina mi. Ata yima an hum ni we na, an puk kä asem malaika ma nga mi tagan ahle ndazinina á kud’uromu.

Sunda hi suma a sunuzinid’a 20:36

Kid’a Paul mi de hina dad’a, mi grif kä, mi tchen Alona ki sed’ezi pet.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Matiye 4:9

Mi dum ala: Ang le grif kä ang kud’uronu ni, an mba ni hang ahle ndazina pet.

2 Sunda Hamuleinid’a 29:28

Ablau suma zla tazi pet a grif kä andaga, suma hle sawala a nga hle sawala, suma bu aduveina a nga bu aduveina gak a dap kahle suma ngat buzu suma ngala.

2 Sunda Hamuleinid’a 29:29

Ata yima abozi mi dapma, amulâ ki suma a nga zlapa ki sed’ema pet a hud’o kä, a grif kä andaga a kud’or Ma didina.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

Sawal la giled’a 119:73

Nabong ba, mi lanu, mi siran ni mam mi; ang han ned’a kayam an hat vun mang ma hed’a.

Sawal la giled’a 139:13

Ni ang ba, gan sana; ni ang ba, djaganï kur azì grona hasuna.

Isai 44:2

Ma didin ma mi lagi ma mi minigi kur asuyogi dei ma nga mi ndjunugina, mi dala: Agi suma hazong mana Jakob-ma, agi Israel suma an managina, agi lagi mandar ri.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.