Sawal la giled’a 94:10 - Bible azumeina

¹⁰ Mam ma gat andjaf sumina, mba mi ngobozi d’uo zu? Mam ma hat suma ned’ina ni ma bei ned’a zu?

Sawal la giled’a 94:10 Referans Kwoze

Wana ni mbaktumba hi Job-pa 35:11

Mam ma nga mi had’ei kal amburei suma yam andagad’ina ma nga mi hei ned’a kal aluwei suma akulona mi na, mi nga ni lara ge d’i.

Isai 28:26

Alo mama mi had’am á tit kaziya, mi had’am gat mamba mi.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Sawal la giled’a 44:2

Alo mamina, ami humumi ki humamiya, abuyomi ngolo a dami zla sun nda ang lat kur atchogoi mazid’a avok dedeid’a.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

Habakuk 3:12

Ang nga ngui yam andagad’a kayî mang ma djulula, ang nga miret andjaf suma kä kayî mangâ.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Amos 3:2

Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Ezekiyel 39:21

An mba ni tak subur manda mandjaf suma. Andjaf suma pet a mba we sariya d’a an mba ni kazizi kazid’a, a mba wabon ma an mba mi tozi ki na mi.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Sawal la giled’a 119:66

Ang had’an wad’ud’a ki ned’a, kayam an tin hurun ni yam vun mang ma hed’a.

Sawal la giled’a 10:16

Ma didina, angî amulâ burâ ki burâ gak didin; andjaf suma a mba dap pei yam andaga manga.

Sawal la giled’a 9:5

Kayam ang nga ndjunun yam d’ingêr manda, yam zla manda mi, ang nga kaka yam zlam manga á kan sariya d’a d’ingêra.

Sawal la giled’a 149:7

á sä atchuguluzi kandjaf suma dingâ, á ngop andjaf suma dingâ,

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu