Sawal la giled’a 92:3 - Bible azumeina

³ Ni vama djivina á de zla o mang nga didinda woi ki yorogo tcholola, á de zla d’engzeng manga woi kur andjeged’a

Sawal la giled’a 92:3 Referans Kwoze

Sawal la giled’a 33:2

Agi gilegi Ma didina kadingâ, agi gilem kading ma ziyom dogona.

Sawal la giled’a 68:25

Alo mana, Amul mana, suma pet a we mba mang nga ei ata yima kus ayînid’a, a we kal mang nga kur gong mang nga kud’orid’a mi.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

2 Sunda Hamuleinid’a 23:5

ades ma mbàna mi tchol ndjola kur gong nga amula, ades ma hindina mi tchol ndjola avun agrek ma a yum ala Jesot-na. Ablau suma petna a tchol kur gulumuna hi gong nga kud’ora hi Ma didinid’a.

1 Sunda Hamuleinid’a 13:8

David ki Israel-lâ pet a nga lü avok Alona kad’engêzi pet, a nga hle sawala kandjaf ahle suma bud’a teteng, nala, ading ma nglona ki ma gureina, daliyâd’a, tchuguyod’a, ndendeta kadifa mi.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

1 Samuel 10:5

Mi dum kua ala: Bugola, ang mba mbaza avo Gibeya-Elohim ata yima Filistê-na a nga ki kangâ kuana. Ata yima ang mbaza go ki vun azinina, ang mba ngaf kadesâ hi suma djok vun Alonina, a nga tchugï asezi kä woi yam yima nding ma a tinim iram vama. Suma a nga lü kadingâ, daliyâd’a, taulâd’a ki gangad’a avoroziya, azi tazi a nga djok vun Alona woi mi.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Sawal la giled’a 57:8

Iran ndi d’igil wa, Alo mana, iran ndi d’igil wa, an mba ni hle sawala, an mba ni gileng mi.

2 Sunda Hamuleinid’a 29:25

Amulâ mi tin suma hi Levi-na kur gong nga kud’ora hi Ma didinid’a ki tchigiyeud’a kading ma nglona kading ma gureina abozi yam vun ma hed’a hi David-na, yam vun ma hed’a hi Gad ma wahle suma a nga mbana hamulîna, yam vun ma hed’a hi Natan ma djok vun Alonina, kayam ni vun ma he ma Ma didina mi hum avun mam suma djok vunina.

1 Sunda Hamuleinid’a 25:6

Azi pet nad’u vun ma hed’a habuzina á hle sawala kur gong nga kud’ora hi Ma didinid’a ki tchigiyeud’a kading ma nglona kading ma gureina á le sunda kur gonga hAlonid’a. Asaf azi ki Jedutun ki Heman, azi ni suma ad’u vun ma hed’a hamulîna mi.

1 Sunda Hamuleinid’a 15:16

David mi de mi suma avok suma hi Levi-nina ala: A ndjar b’oziyozi suma hle sawala kandjaf ahle suma bud’a teteng, nala, ading ma nglona kading ma gureina ki tchigiyeud’a, ar a hle sawala ki delezi akulo á tak furî mazid’a woyo.

1 Sunda Hamuleinid’a 23:30

A nga tchola yorogo ki fladege burâ ki burâ á subur Ma didina, á gilemu,

2 Sunda Hamuleinid’a 20:28

A kal avo Jerusalem, a nga bu ading ma nglona kading ma gureina kaduveina gak a mbaza avun gong nga kud’ora hi Ma didinid’a.

Sawal la giled’a 42:9

Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.