Sawal la giled’a 92:2 - Bible azumeina

² Ni vama djivina á suburung ang Ma didina, á gileng simiyêng ang Alo ma sä akulo ma kal teglesâ!

Sawal la giled’a 92:2 Referans Kwoze

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Isai 63:7

An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Sawal la giled’a 71:15

An mba ni de woi yam d’ingêr manga ki sut manga burâ ki burâ, kayam an we nga ndum mata d’i.

Sawal la giled’a 145:2

An mba ni suburung burâ ki burâ, an mba ni gileng simiyêng teteu gak didin.

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Sawal la giled’a 77:2

An nga ni tchi yam Alona ki delen akulo, an nga ni yAlona akulo, kayam mi tin humam mi humunu.

1 Sunda Hamuleinid’a 25:1

David ki suma nglo suma avok azigarîna a tin suma hi Asaf-fâ, suma hi Heman-na ki suma hi Jedutun-na irazi vazi yam sun nda kud’or Alona á djok vun Alona woi kading ma nglona kading ma gureina ki tchigiyeud’a mi. Ablau suma a nga le sun ndatina ba wana:

Sawal la giled’a 9:3

An mba ni le furîd’a, tan mba d’i lan djivid’a kangû; an mba ni ge sawala ki simiyêngû, angî Alo ma sä akulo ma kal teglesâ.

Sawal la giled’a 101:1

Wana ni sawal la gile d’a David mi hlata. An mba ni hle sawala yam o mang nga didinda, yam sariya mang nga kad’a mi. Ma didina, ni ang ba, an mba ni gilengû.

Sawal la giled’a 147:1

Agi gilegi Ma didina, kayam ni vama djivina á gile Alo meina ki sawala, kayam ni vama lei tei furîd’a á gilem d’igi ndak kam na na.