Sawal la giled’a 92:13 - Bible azumeina

¹³ Suma d’ingêrâ a mba wulî d’igi amilaûna na, a wulî d’igi agu sedre ma Liban-na na mi.

Sawal la giled’a 92:13 Referans Kwoze

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Romê-na 6:5

Le ei zlabei tu ki mam kur mat mama ni, ei mba zlabei tu ki mam kur tchol mamba akulo aduk suma matna mi.

Sawal la giled’a 100:4

Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Sawal la giled’a 116:19

kur gulumuna hi gong mam mba kud’or ra avo Jerusalem-mba. Agi gilegi Ma didina!

2 Sunda Hamuleinid’a 4:9

Mi min gulumuna hi suma ngat buzunina ki gulumun ma ngolâ, mi le bapma avun gulumun ma ngolâ, mi gulud’um ki kawei ma hleuna mi.

Romê-na 11:17

Israel-lâ ni d’igi olif ma pe ma a kam abom ma dingâ woina na. Ang ma ni Juif-fâ d’uo na, ang ni d’igi abo olif ma abagei ma a djagam blangâzina na. Ki tchetchemba, ang nga wulî yam sideina kambira hi olif ma a puma.

Ester 9:4

Kayam Mardose mi mbut ma ngol ma sunda hamulîna, simiyêm nde yina woi kur ambasa pet, simiyêm nga mi i avogovok mi.

Sawal la kal teglesa 4:11

Amanda, vunak ma dalalâ mi sor kä d’igi mbul ayuma na, sinak ka de zlad’a ti ni d’igi mbul ayuma kambira na, hisâ hi baru ma’îna mi his afufuîd’a d’igi hisâ hagu ma Liban-na na.

Sawal la kal teglesa 5:15

Asemî d’igi agu ma murgulina hahina d’a a yat ala marbre d’a hapa ma a nigim kä kur lor ra kal teglesid’a na. Iram mba gola ni d’igi ahuniyô suma Liban-na na, ti vat zenen d’igi agu sedrena na mi.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.