Sawal la giled’a 91:13 - Bible azumeina

¹³ Ang mba tit yam azlona ki mageid’a, ang mba miret yam gor azlona ki guguina kä aseng mi.

Sawal la giled’a 91:13 Referans Kwoze

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Marik 16:18

Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Sawal la giled’a 58:4

Suma asa’atna a wal lei ki gagazid’a ni kur vut mazid’a dei; suma ka zlad’a a d’es sei kur lovot ta djivid’a nata yima a buzugï woi kur asuyozina dei.

Romê-na 3:13

Horzlom delezi ni d’igi asu d’a vunat nga mala woid’a na. A nga lop suma ki zla mazid’a, zla d’a de d’a avunazid’a ni d’igi ayî mageid’a na,

Wana ni mbaktumba hi Job-pa 5:23

Ang mba djin vunang kahuniyô suma abageina, amburei suma abageina a mba lang va d’uo mi.