Sawal la giled’a 91:11 - Bible azumeina

¹¹ Kayam Ma didina mba mi he vuna mi malaika mama á ngomong ata yima lara ge pet ma ang tit kuana.

Sawal la giled’a 91:11 Referans Kwoze

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Zla d’a d’ogolâ 3:6

Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Matiye 4:6

Ang le nAlona Goroma ni, ang geï tang kä, kayam a b’ir kur mbaktumba hAlonid’a ala: Alona mba mi he vuna mi malaika mama kangû. A mba vang akulo kabozi kayambala ahinad’a ti dabang kang aseng nguo d’a.

Sawal la giled’a 71:3

Ang mbut nahina man nda an ngei tan kuad’a, ni yima ang he vuna kam ala an i kua teteu á sut tanu na, kayam angî ahina manda ki gulumun man ma ngei tana.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Jeremi 2:18

Ki tchetchemba, ni djiviya me kagi á hulongôgi Ezipte á tchagi mbiyo alum ma Nil-lâ ge? Ni djiviya me kagi á hlagi lovot ta Asiri-d’a á tchagi mbiyo alum ma Efrat-na ge?

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.