Sawal la giled’a 90:5 - Bible azumeina

⁵ Ang nga kal suma woi d’igi mbiyo ma kus ma nga mi kal ahlena woina na, d’igi adï d’a de sana andjeged’a na. A ni d’igi asuna mi deî na.

Sawal la giled’a 90:5 Referans Kwoze

Isai 40:6

Dela ti dan ala: Ang tchi wala! An hulong dala: An tchi wala nana ge? Ti hulong dan ala: Ang tchi wala ala: Suma pet a ni d’igi asuna na, subur mazid’a pet ti ni d’igi b’od’a hasu ma abageinid’a na mi.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

Sawal la giled’a 73:20

Salad’a, ata yima ang tchol akulo á le sundina, azi mba dap pei d’igi sa ma adïd’a dum mi zlit akulo hawana na.

Wana ni mbaktumba hi Job-pa 22:16

Azi ni suma a yozi woi avok bei yi mazina ndak ba d’igi mbiyo ma kusa mi to azina kä woi na na.

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Wana ni mbaktumba hi Job-pa 9:26

Mi kal atogo d’igi bato d’a avavatna na, d’igi b’aru ma sir asem kä yam vana á ved’ina na.

Wana ni mbaktumba hi Job-pa 4:20

Yorogo dei gak tcha fladege a nga b’lagazi woyo, a nga bo woi ki irazi fafat, sa nga mi djib’er kazi d’uo d’a.

Isai 38:12

Yi man ma kaka ang hlum mbeyo. Ang im mbei ki sed’en d’igi a djok zlub’ud’a hi ma polid’a woi na. Ari manda ang nga d’ud’ut ni d’ud’a d’igi baru d’a sama tchil barud’a mi d’ud’ut bugol mi hat teid’a na. Ma didina, ang mba hlan avok bei afata niga.

Isai 38:13

An ve tan gak yorogo, wani Ma didina nga mi kuzun asogon ndei d’igi azlona mi kus asoga ahlena woina. Ma didina, ang mba hlan avok bei afata niga.

Isai 40:7

Asuna mi so ata yima simetna hi Ma didinina mi sir kama, b’o mamba ti yak kei mi. Gagazi, suma a ni d’igi asuna na.