Sawal la giled’a 90:14 - Bible azumeina

¹⁴ Ki yorogo tcholola ar ang hobomi ki o mang nga didinda! Hina wani, ata yima ami nga ki irami tua na, ami mba lami furîd’a teteu.

Sawal la giled’a 90:14 Referans Kwoze

Sawal la giled’a 23:6

Gagazi, djivi manga ki we hohou manga a mba tit blogon burâ ki burâ. Ma didina, an mba ni kak kur gong mang nga kud’ora gak mat mana.

Sawal la giled’a 86:4

Ang ar an azong mangâ ni le furîd’a, kayam an he tan pet ni mi ang Salad’a.

Sawal la giled’a 85:6

Ang nga zalî hurung kami hina gagak su? Hur ma zal mangâ i navok hina gak kur atchogoid’a katchogoid’a zu?

Sawal la giled’a 31:7

An noî suma a min filei ma hawa ya’îna woyo, an deng tan nata ang Ma didina.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Sawal la giled’a 149:2

Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Sawal la giled’a 143:8

Ki yorogod’a ang aran an hum zla o mang nga bei dabid’a ba d’a, kayam an tin hurun ni kayam angû. Ang tagan lovot ta ndak an tit kuad’a, kayam an he tan ni mi angû.