Sawal la giled’a 90:10 - Bible azumeina

¹⁰ Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Sawal la giled’a 90:10 Referans Kwoze

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

Sawal la giled’a 78:39

Mi djib’er ala azi ni suma hawa, a ni d’igi simet ma nga mi iya nga mi hulong nguo na na.

2 Samuel 19:35

Ki tchetchemba, bizan ni dok klavandi, an ndak á wal ir vama djivina ki vama tchona zu? An azong mangâ ni ndak á man vama te ki vama tche d’ei zu? An ndak á hum del azungeîna ki yugunei suma a nga hle sawalina d’ei zu? Ni kayam me ba, an azong mangâ ni ndak á tining ang salana amul mana aneka kang ngei ge?

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Gat ta a hat á mbàd’id’a 34:7

Ata yima Moise mi mitna, bizamî kis kam dok mbà, mi mit ni kad’engêm bei iram mbi mbut zizimit ba.

1 Amuleina 1:1

Amulâ David mi mbut mamara kikra, bizam kal ngola. Azungeî mama a zlubum baruna kam pî, nga mi d’ugum tam mbi.

Wana ni mbaktumba hi Job-pa 24:24

A mba hle yazi akulo hina ndjö, a mba dap pei d’igi suma petna na, a mba kazi woi d’igi suma a ka yam awuna woi na mi.

Wana ni mbaktumba hi Job-pa 14:10

Wani le sana mi mid’a ni, zlam dap da’. Gagazi, sana mi mid’a, a dok fumî lara d’ei ge?

Isai 38:12

Yi man ma kaka ang hlum mbeyo. Ang im mbei ki sed’en d’igi a djok zlub’ud’a hi ma polid’a woi na. Ari manda ang nga d’ud’ut ni d’ud’a d’igi baru d’a sama tchil barud’a mi d’ud’ut bugol mi hat teid’a na. Ma didina, ang mba hlan avok bei afata niga.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Ad’u Tinda 6:3

Kayam ndata, Ma didina mi dala: An mba ni ar Muzuk mana mba mi kak ki sana gak didin ndi; kayam mam mi sana mba mi mid’a, mba mi le bizad’a ni kis yam dok mbà.

Sunda hi suma hi Levi-nid’a 27:7

Le ni ma bizam kal dok karagayana, le ni mandjufâ ni, ang he bege d’a hapa dogo yam vahl. Le natchad’a ni, ang he bege d’a hapa dogo.

Josue 14:11

Gak ini an nga kad’eng manda d’igi bur ma Moise mi sununa na. An nga kad’enga á dur ayîna, an nga kad’enga á ndabua, á hulong avo mi.

2 Samuel 19:36

An azong mangâ ni djagangî alum ma Jurdê-na go. Ni kayam me ba, ang dok han wurak ndata hina d’ei ge?

Wana ni mbaktumba hi Job-pa 5:7

A vut sana ná fe ndaka d’igi aku d’a ti mun ti i akulod’a na.