Sawal la giled’a 89:41 - Bible azumeina

⁴¹ Ang tcho ir kangâ mama teteng, ang b’lak gulumun mam ma ad’eng ma ngunguna woyo.

Sawal la giled’a 89:41 Referans Kwoze

Sawal la giled’a 79:4

Gola! Suma a nguyumina a nga ngulumiya, a nga san ad’umiya, a nga lazami mi.

Daniel 9:16

Salad’a, yam d’ingêr manga ang ar ayî mangâ ki hur ma zal ma gugulu’â mi b’leng ngei yam azì mang ma ngol ma Jerusalem-ma, yam ahina mang nga a tinit irat vata. Ni kayam tcho mamid’a yam sun nda batranga habuyomi ngolod’a ba, Jerusalem ki sum mangâ, a mbut vama ngula avok suma a nguyumina pet wana.

Hor ma tchina 5:1

Ma didina, ang djib’er yam vama mba kamina, ang gola, ang we ngul la a nga ngulumid’a.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Sawal la giled’a 80:13

Ni kayam me ba, ang hulut kang matna kayambala suma a kalâ pet a hurumud’u d’a ge?

Sawal la giled’a 74:10

Alo mamina, ma djop vun suma mba mi lazangî hina gak mindja ge? Ma djangûna mba mi ngulung anguzangî hina gak mindja ge?

Nehemi 5:9

An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu?

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.

Isai 5:5

Ki tchetchemba an tak vama an mba ni lum ki guguzlu mandina woyo: An mba ni hô kangâ ma katna woyo, an mba ni ar ahlena a tad’u, an mba ni to gulumun ma katna kä woi á bong suma lovota á mired’et kä kaseziya.

Hor ma tchina 2:5

Salad’a mi mbut tam d’igi ma djangûna hi Israel-lîna na, mi b’lak Israel-lâ woyo, mi b’lak azì mazi ma nglo ma amula woyo, mi b’lak azì mazi ma ad’eng ma ngunguna woyo, mi zul tchina ki zam tad’a avo Juda.