Sawal la giled’a 89:21 - Bible azumeina

²¹ An fazong mana David, an vom mbul man ma an tinim iram vama kamu.

Sawal la giled’a 89:21 Referans Kwoze

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

2 Samuel 23:1

Wana ni zla d’a de d’a dabid’a hi David-ta: Ni zlad’a hi an David Jesse goromid’a; ni zlad’a hi an ma Alona tinin ngolina, ma Alona hi Jakob-ma mi manan mi tinin amulina, ni an ma hle sawal la djivid’a hi Israel-lîna.