Sawal la giled’a 87:4 - Bible azumeina

⁴ An mba ni de woi yam Ezipte ki Babilon aduk suma a wana ala: Gola! Suma Filistê-na ki suma Tir-râ ki suma Etiyopi-na a vud’uzi ni kur ambas sa wanda!

Sawal la giled’a 87:4 Referans Kwoze

Sawal la giled’a 45:12

Ar amulâ tam mbi lum djivid’a yam djif ma’â. Kayam mam mi sala’â, ndak hum ngola.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Sawal la giled’a 89:10

Angî ma te yam subur tad’a halum ma ngolîd’a, ata yima abilâ tchol led’ina, ang nga vum vunam kä.

Wana ni mbaktumba hi Job-pa 9:13

Alona nga mi ve vun ayî mama kä d’i; suma yam mba ad’engina a nga hulong yazi kä avorom mi.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Sunda hi suma a sunuzinid’a 8:27

Mi tchol mi iya. Gol wani, mi we adimbang sama Etiyopi-na nga mi djïya. Ni ma ngol ma ngom beged’a hi Kandasa amul la Etiyopi-d’ina. Mi mba Jerusalem á kud’or Alona.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 19:11

Suma nglo suma Sowan-na ni suma bei ned’a, suma ne suma de d’alâ hi Faron-na a nga de d’al ma lilid’a mi. Ni nana ba, sana adigagi mba mi ndak á de mi Faron ala: An ni suma ned’a gorozina an nandjafâ hi suma nglo suma adjeuna ge?

Sawal la giled’a 137:1

Kid’a ami kagami avun aluma sä Babilon-nda, ami tchimi kurumi krovo á djib’eremi yam Siyon.

1 Samuel 17:8

Goliyat mi tchola, mi er ad’um akulo, mi de mi azigar suma Israel-lâ ala: Ni kayam me ba, agi ndjaragi á dur ayîna ge? An ni ma Filistê-na, agi ni magumeina hi Saul-lâ d’uo zu? Agi managi sama adigagi ma mba mi dur ayîna ki sed’ena.