Sawal la giled’a 87:1 - Bible azumeina

¹ Ni sawal la gile d’a Kore groma a hlata. Ma didina mi tin azì ma Jerusalem-ma ni yam ahina d’a a tinit irat vata.

Sawal la giled’a 87:1 Referans Kwoze

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

2 Pierre 1:18

Kid’a ami nga ki sed’em yam ahinad’a hAlonid’id’a, ami humumi del la tcholï akulo ndata.

Sawal la giled’a 68:16

Ahina d’a Basan-nda nahinad’a hAlonid’a, ahina d’a Basan-nda nahina d’a yat ta fuyogeid’a ablaud’a heîd’a.

2 Sunda Hamuleinid’a 3:1

Salomon mi tin ad’u min gong nga kud’ora hi Ma didinid’a avo Jerusalem yam ahina d’a Moriya-d’a, ata yima Ma didina mi nde tam mbei kua ir abum David kur ambid’a’â hi Ornan ma Jebus-sîna.

Sawal la giled’a 121:1

Ni sawal la suma a djak Jerusalem á lü vun tilîna a hlata. An nga ni gol iran akulo yam ahuniyôna. Sama ndjununa mba mi tcholï ni lara ge?

Sawal la giled’a 42:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 78:69

Mi min gong mam mba mi tinit irat vata akulo d’igi yima ndingâ na, d’igi andaga d’a mi sirat ngingring burâ ki burîd’a na.

Sawal la giled’a 122:2

Ndak Jerusalem, ami mba tcholomi navun agrek ma’â.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.