Sawal la giled’a 86:2 - Bible azumeina

² Ang ngomonu, kayam an ni ma d’engzengâ. Alo mana, ang sud’un an azong mang ma ni tin hurun kangâ.

Sawal la giled’a 86:2 Referans Kwoze

Sawal la giled’a 4:3

Agi suma, agi mba mbud’un zulona hina gak mindja ge? Agi min tchugun zlad’a kan hawa hina yak gak mindja ge? Agi hal dagi zla d’a kad’a kan hina gak mindja ge? Tchol ndjö

Sawal la giled’a 25:2

Alo mana, an deng tan natangû, ar an mbut zulona d’i, ar man suma djangûna a le furîd’a kan nduo mi.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Sawal la giled’a 119:94

An ni mangâ, ang sud’unu, kayam an nga ni halî gat manga.

Sawal la giled’a 31:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 18:19

Ata yima an nga kur yor tad’ina, azi mba kan dumuzi, wani Ma didina mi mba mi van akulo atamu.

Sawal la giled’a 16:1

Ni sawal la David mi hlata. Alo mana, ang ngomonu, kayam an hal yima ngeid’a natangû.

Sawal la giled’a 13:5

Ar man ma djangûna mi de kan ala, mi kuzun wa d’i, ar man suma djangûna a le furîd’a yam puk manda d’uo mi.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Sawal la giled’a 143:12

Yam o mang nga didinda, ang duk vun man suma djangûna akulo, ang tchi suma a nga tchan iran tata ki zlad’ina woi pet, kayam an nazong mangâ.

Sawal la giled’a 50:5

Mi dala: Agi togogï man suma d’engzeng suma a djin vunazi ki sed’en ki buzu ma ngatina.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Sawal la giled’a 31:14

An hum zla d’a tcho d’a suma ablaud’a a nga minit kanda; mandarâ mi nguyun ata yina pet. Ata yima azi nga ndjak vunazi kana, a nga hal lovota á tchan ndeyo.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.